ശ്രീനഗർ > ജമ്മുവിലെ ഉദ്ദംപൂരിൽ നടന്ന ഏറ്റുമുട്ടലിൽ 3 ഭീകരരെ വധിച്ചു. സൈന്യത്തിന്റെ സ്പെഷ്യല് ഫോഴ്സും ജമ്മു കശ്മീര് പൊലീസുമാണ് ബുധനാഴ്ച ഭീകരരുമായി ഏറ്റുമുട്ടിയത്. ഉദ്ദംപൂരിലെ ബസ്തൻഘറിലാണ് ഏറ്റുമുട്ടലുണ്ടായത്. വനമേഖലയിൽ ഭീകരർ ഒളിച്ചിരിക്കുന്നുണ്ടെന്ന വിവരത്തെത്തുടർന്ന് നടത്തിയ തെരച്ചിലിലാണ് വെടിവയ്പുണ്ടായത്.
തെരച്ചിലിനിടെ ഭീകരര് സൈനികര്ക്ക് നേരെ വെടിയുതിര്ക്കുകയായിരുന്നു. തുടര്ന്ന് സുരക്ഷാസേനയും പ്രത്യാക്രമണം നടത്തി. പ്രദേശത്ത് ഏറ്റുമുട്ടൽ തുടരുകയാണെന്നാണ് വിവരം.
