ശ്രീനഗർ> നിയമസഭാ തെരഞ്ഞെടുപ്പ് അടുത്തിരിക്കേ ജമ്മുവിലെ അഖ്നുർ മേഖലയിൽ പാക്കിസ്താൻ സൈനികരുടെ വെടിവയ്പ്. വെടിവയ്പിൽ ഒരു അതിർത്തി രക്ഷാസേന (ബിഎസ്എഫ്) ഉദ്യോഗസ്ഥനു പരിക്കേറ്റു. വെടിനിർത്തൽ കരാർ ലംഘിച്ചാണ് പാക് സൈനികരുടെ ആക്രമണം ഉണ്ടായത്. ഇന്ത്യൻ പോസ്റ്റുകൾക്ക് നേരെയായിരുന്നു വെടിയുതിർത്തത്.ചൊവ്വാഴ്ച പുലർച്ചെ 2:35ന് പാക് സൈനികരുടെ ഭാഗത്തുനിന്ന് പ്രകോപനമില്ലാതെ വെടിവയ്പ്പുണ്ടാവുകയായിരുന്നു.
2021 ഫെബ്രുവരി 25ന് ഇന്ത്യയും പാക്കിസ്താനും വെടിനിർത്തൽ കരാർ പുതുക്കിയതിനു വിരളമായാണ് കരാർ ലംഘിച്ചിട്ടുള്ളത്.
നീണ്ട 10 വർഷത്തെ ഇടവേളയ്ക്കുശേഷമുള്ള ജമ്മു -കശ്മീരിലെ നിയമസഭാ തെരഞ്ഞെടുപ്പ് നടക്കാൻ പോകുന്നത്. ജമ്മു കശ്മീരിന്റെ പ്രത്യേക പദവി റദ്ദാക്കിയതിനു ശേഷമുള്ള ആദ്യ തെരഞ്ഞെടുപ്പാണിത്. ഈ മാസം 18, 24, ഒക്ടോബർ ഒന്ന് എന്നിങ്ങനെ മൂന്ന് ഘട്ടമായാണ് ജമ്മു -കശ്മീരിലെ തെരഞ്ഞെടുപ്പ്.
