വോട്ടെണ്ണൽ നീട്ടിയത്‌ 
ബിജെപിയുടെ 
താൽപര്യപ്രകാരം: മെഹബൂബ മുഫ്‌തി

ന്യൂഡൽഹി
ജമ്മു കശ്മീരിലെ വോട്ടെണ്ണൽ തീയതി മാറ്റിയത് ബിജെപിയുടെ താൽപര്യപ്രകാരമാണെന്ന് പിഡിപി നേതാവ് മെഹബൂബ മുഫ്തി ആരോപിച്ചു. താൻ നേരത്തെ ലോക്സഭയിലേക്ക് മൽസരിച്ചപ്പോഴും വോട്ടെണ്ണൽ തീയതി മാറ്റി. ബിജെപിയും അവരുടെ നിഴൽ പാർടിയും ആഗ്രഹിക്കുന്നത് പോലെയാണ് എല്ലാം നടക്കുന്നത്–- മെഹബൂബ പറഞ്ഞു. ജമ്മു കശ്മീരിലെ വോട്ടെണ്ണൽ തീയതി ഒക്ടോബർ നാലിൽ നിന്ന് ഒക്ടോബർ എട്ടിലേക്കാണ് തെരഞ്ഞെടുപ്പ് കമീഷൻ മാറ്റിയത്. ഹരിയാനയിലെ തെരഞ്ഞെടുപ്പ് തീയതി മാറ്റിയതിനെ തുടർന്നാണിത്.