അൽഹസ്സ > കൊല്ലം ജില്ലയിൽ മീനാട് ഭൂതക്കുളം സ്വദേശി ശിവപ്രസാദ് ബാലകൃഷ്ണപിള്ള (51) അൽഹസ്സ റുഖൈഖയിൽ ഹൃദയാഘാത്തെ തുടർന്ന് അന്തരിച്ചു. ശാരീരിക ബുദ്ധിമുട്ടുകൾ അനുഭവപ്പെട്ടതിനെ തുടർന്ന് സഹപ്രവർത്തകർ കിംഗ് ഫഹദ് ഹോസ്പിറ്റലിൽ എത്തിച്ചെങ്കിലും രക്ഷിക്കാനായില്ല. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്.
നവോദയ കേന്ദ്ര പ്രസിഡന്റ് ഹനീഫ മൂവാറ്റുപുഴ, മുബാറസ് ഏരിയ സാമൂഹികക്ഷേമ ജോ.കൺവീനർ നിസാർ മയ്യനാട് എന്നിവരുടെ നേതൃത്വത്തിൽ ഇന്ത്യൻ എംബസി, സൗദി അധികൃതരുമായി ബന്ധപ്പെട്ട് മൃതദേഹം നാട്ടിലെത്തിക്കുവാനുള്ള നടപടികൾ പൂർത്തിയായി. ദമ്മാമിൽ നിന്നും തിരുവനന്തപുരത്തേക്ക് പുറപ്പെടുന്ന എയർ ഇന്ത്യാ എക്സ്പ്രസ്സ് വിമാനത്തിൽ സ്വദേശത്ത് എത്തിക്കും.
