മുംബൈ > നാവികസേനയുടെ യുദ്ധക്കപ്പല് ഐഎന്എസ് ബ്രഹ്മപുത്രയ്ക്ക് തീപിടിച്ചു. മുംബൈയില് നാവിക സേനയുടെ ഡോക്ക് യാര്ഡില് അറ്റകുറ്റപ്പണിക്കിടെ ആയിരുന്നു സംഭവം. ഞായറാഴ്ച വൈകുന്നേരമാണ് കപ്പലിൽ തീപിടിച്ചത്. സംഭവത്തിൽ ഒരാളെ കാണാതായി. കാണാതായ നാവികനായി തിരച്ചിൽ ആരംഭിച്ചെന്ന് നാവികസേന പറഞ്ഞു. തീപിടിത്തത്തെതുടർന്ന് കപ്പൽ ഒരു വശത്തേക്ക് ചരിഞ്ഞു.
നേവൽ ഡോക്ക്യാർഡിലെ അഗ്നിശമന സേനാംഗങ്ങളുടെ സഹായത്തോടെ തിങ്കളാഴ്ച രാവിലെ തീ നിയന്ത്രണ വിധേയമാക്കി. സംഭവത്തിൽ ആഭ്യന്തര അന്വേഷണത്തിന് ഉത്തരവിട്ടെന്നും നാവികസേന അറിയിച്ചു.
.jpg)
