11 ഫൈനൽ 9 വിജയം; ഇന്ത്യക്ക് തുണയാകുമോ രോഹിത് ശർമ്മയെന്ന നായകൻ

India vs South Africa T20 World Cup final Live Updates: ടി20 ലോകകപ്പ് ഫൈനലിൽ, ദക്ഷിണാഫ്രിക്കയെ നേരിടാൻ ഇന്ത്യ ഇന്നിറങ്ങുമ്പോൾ കിരീടം എന്ന ലക്ഷ്യം മാത്രമാണ് നിലപ്പടക്ക് മുന്നിലുള്ളത്. ഐസിസി ടൂർണമെന്റുകളിലെ ഫൈനൽ തോൽവി എന്ന ചീത്തപ്പോര് മാറ്റാനുള്ള അവസരം കൂടിയാണ് ഇന്ത്യക്ക് ഇത്. ഐസിസി ടൂർണമെന്റുകളിലെ അവസാന 5 ഫൈനൽ മത്സരങ്ങളിലും ഇന്ത്യക്ക് പരാജയമായിരുന്നു ഫലം.

ബാര്‍ബഡോസിലെ കെന്‍സിങ്ടണ്‍ ഓവലിൽ ഇന്ന് രാത്രി 8നാണ് ഇന്ത്യ- ദക്ഷിണാഫ്രിക്ക പോരാട്ടം. അപരാജിത പോരാട്ടത്തിലൂടെയാണ് ഇന്ത്യയും ദക്ഷിണാഫ്രിക്കയും ലോകകപ്പ് ഫൈനലിൽ സ്ഥാനം ഉറപ്പിച്ചത്. രോഹിത് ശർമ്മയുടെ ക്യാപ്റ്റൻസിയിൽ മികച്ച പ്രകടനം കാഴ്ചവയ്ക്കുന്ന ഇന്ത്യൻ ടീമിന് ഇത്തവണ കപ്പിൽ മുത്തമിടാം എന്നാണ് ഇന്ത്യൻ ക്രിക്കറ്റ് പ്രേമികളുടെ പ്രതീക്ഷ.

ഐസിസി, ഐപിഎൽ ടൂർണമെന്റുകളിൽ 11 തവണ ഫൈനലിലെത്തിയ ക്യാപ്റ്റനാണ് രോഹിത് ശർമ്മ. ഇതിൽ 9 തവണയും വിജയം തുണച്ചപ്പോൾ രണ്ടു തവണ മാത്രമാണ് പരാജയം നേരിട്ടത്.

രോഹിത് ശർമ്മ ക്യാപ്റ്റനായ ഫൈനൽ മത്സരങ്ങൾ

ഐപിഎൽ: ഫൈനൽ 5, വിജയം 5
ചാമ്പ്യൻസ് ട്രോഫി: ഫൈനൽ 1, വിജയം 1
ഏഷ്യ കപ്പ്: ഫൈനൽ 2, വിജയം 2
നിദാഹസ് ട്രോഫി: ഫൈനൽ 1 വിജയം 1

ഫൈനൽ പരാജയം: ലോക ടെസ്റ്റ് ചാമ്പ്യൻഷിപ്പ് 2023, ഏകദിന ലോകകപ്പ് 2023

ഇന്ത്യൻ ടീം നേരിട്ട ഐസിസി ടൂർണമെൻ്റ് ഫൈനലുകൾ

1983 – ഏകദിന ലോകകപ്പ് – വെസ്റ്റ് ഇൻഡീസിനെ 43 റൺസിന് തോൽപിച്ചു
2000 – ഐസിസി ചാമ്പ്യൻസ് ട്രോഫി – ന്യൂസിലൻഡിനോട് 4 വിക്കറ്റിന് തോറ്റു
2002 – ഐസിസി ചാമ്പ്യൻസ് ട്രോഫി – ഫലമില്ല (ഇന്ത്യ ശ്രീലങ്കയുമായി ട്രോഫി പങ്കിട്ടു)
2003 – ഏകദിന ലോകകപ്പ് – ഓസ്‌ട്രേലിയയോട് 125 റൺസിന് തോറ്റു
2007 – ടി20 ലോകകപ്പ് – പാക്കിസ്ഥാനെ 5 റൺസിന് തോൽപിച്ചു
2011 – ഏകദിന ലോകകപ്പ് – ശ്രീലങ്കയെ 6 വിക്കറ്റിന് തോൽപിച്ചു
2013 – ഐസിസി ചാമ്പ്യൻസ് ട്രോഫി – ഇംഗ്ലണ്ടിനെ 5 റൺസിന് തോൽപിച്ചു
2014 – ടി20 ലോകകപ്പ് – ശ്രീലങ്കയോട് 6 വിക്കറ്റിന് തോറ്റു
2017 – ഐസിസി ചാമ്പ്യൻസ് ട്രോഫി – പാകിസ്ഥാനോട് 180 റൺസിന് തോറ്റു
2021 – ലോക ടെസ്റ്റ് ചാമ്പ്യൻഷിപ്പ് – ന്യൂസിലൻഡിനോട് 8 വിക്കറ്റിന് തോറ്റു
2023 – ലോക ടെസ്റ്റ് ചാമ്പ്യൻഷിപ്പ് – ഓസ്ട്രേലിയയോട് 209 റൺസിന് തോറ്റു
2023 – ഏകദിന ലോകകപ്പ് – ഓസ്‌ട്രേലിയയോട് 6 വിക്കറ്റിന് തോറ്റു.