Euro 2024: ഒരു മാസം നീളുന്ന ഫുട്ബോൾ പോരാട്ടങ്ങൾ എപ്പോൾ, എവിടെ കാണാം?

വെള്ളിയാഴ്ച മ്യൂണിക്കിൽ നടന്ന യൂറോ 2024ന്റെ ഉദ്ഘാടന മത്സരത്തിൽ ജർമ്മനിയും സ്‌കോട്ട്‌ലൻഡും ഏറ്റുമുട്ടിയിരുന്നു. ആവേശകരമായ മത്സരത്തിൽ സ്കോട്ടിഷ് ടീമിനെ 5-1ന് തകർത്താണ് ആതിഥേയരായ ജർമ്മനി വരവറിയിച്ചത്. ടൂർണമെൻ്റിൻ്റെ 17ാം പതിപ്പിൽ യൂറോപ്യൻ രാജാക്കന്മാരാകാനായി യൂറോപ്പിലെ മികച്ച 24 ഫുട്‌ബോൾ ടീമുകൾ കൊമ്പുകോർക്കും.

An opening match to remember for Germany 🇩🇪#EURO2024 | #GERSCO pic.twitter.com/luXAFwUS1E
— UEFA EURO 2024 (@EURO2024) June 14, 2024

ഫ്രാൻസ്, സ്‌പെയിൻ, ആതിഥേയരായ ജർമ്മനി എന്നിവരാണ് കിരീട സാധ്യത കൽപ്പിക്കപ്പെടുന്ന പ്രധാന ടീമുകൾ. പോർച്ചുഗൽ, ഇംഗ്ലണ്ട്, നെതർലൻഡ്‌സ്, ബെൽജിയം എന്നിവ കിരീടത്തിനായി വെല്ലുവിളി ഉയർത്തുമെന്നാണ് പ്രതീക്ഷിക്കപ്പെടുന്നത്.

ടൂർണമെന്റ് ചരിത്രത്തിലെ എക്കാലത്തെയും മികച്ച ഗോൾ സ്‌കോററായ പോർച്ചുഗലിൻ്റെ സ്റ്റാർ ഫോർവേഡ് ക്രിസ്റ്റ്യാനോ റൊണാൾഡോ ഫ്രാൻസിൻ്റെ കൈലിയൻ എംബാപ്പെ, ജർമ്മനിയുടെ ടോണി ക്രൂസ്, ഇംഗ്ലണ്ടിൻ്റെ ജൂഡ് ബെല്ലിംഗ്ഹാം എന്നിവരോടൊപ്പം ശ്രദ്ധ കേന്ദ്രീകരിക്കും.

ശനിയാഴ്ച രാത്രി 3 തീപാറും മത്സരങ്ങൾ

യൂറോ കപ്പ് ഫുട്ബോളിലെ മരണ ഗ്രൂപ്പില്‍ ഇന്ന് മൂന്ന് തകര്‍പ്പന്‍ പോരാട്ടങ്ങളാണുള്ളത്. വൈകിട്ട് 6.30ന് ഹംഗറി കരുത്തരായ സ്വിറ്റ്സർലൻഡിനെ നേരിടും. രാത്രി 9.30ന് കരുത്തരായ ക്രൊയേഷ്യ മുൻ ചാമ്പ്യൻമാരായ സ്പെയിനെ നേരിടുമ്പോള്‍ പുലർച്ചെ 12.30ന് തുടങ്ങുന്ന മത്സരത്തിൽ നിലവിലെ ജേതാക്കളായ ഇറ്റലിക്ക് അല്‍ബേനിയയാണ് എതിരാളികള്‍.

യൂറോ 2024 തത്സമയ സ്ട്രീമിംഗ്, ടെലികാസ്റ്റ് വിശദാംശങ്ങൾ

എപ്പോഴാണ് യൂറോ 2024 ആരംഭിക്കുന്നത്?

യൂറോ 2024 ടൂർണമെന്റ് 2024 ജൂൺ 14ന് ആരംഭിക്കും, ഫൈനൽ ജൂലൈ 14ന് നടക്കും.

ഏത് സമയത്താണ് യൂറോ 2024 മത്സരങ്ങൾ ആരംഭിക്കുന്നത്?

ഇന്ത്യൻ സമയം 6.30 PM, 9.30 PM, 12.30 AM എന്നീ സമയങ്ങളിലാണ് വിവിധ മത്സരങ്ങൾ നടക്കുക.

യൂറോ 2024 മത്സരങ്ങൾ ടിവിയിൽ എവിടെ കാണാനാകും?

ഇന്ത്യൻ ആരാധകർക്ക് സോണി സ്‌പോർട്‌സ് നെറ്റ്‌വർക്കിൽ (സോണി സ്‌പോർട്‌സ് ടെൻ 2, സോണി സ്‌പോർട്‌സ് ടെൻ 2 എച്ച്‌ഡി, സോണി സ്‌പോർട്‌സ് ടെൻ 3, സോണി സ്‌പോർട്‌സ് ടെൻ 3 എച്ച്‌ഡി, സോണി സ്‌പോർട്‌സ് ടെൻ 4, സോണി സ്‌പോർട്‌സ് ടെൻ 4) എല്ലാ യൂറോ 2024 മത്സരങ്ങളുടെയും തത്സമയ സംപ്രേക്ഷണം ടിവിയിൽ ആസ്വദിക്കാം. എച്ച്ഡി ചാനലുകൾ – സോണി സ്പോർട്സ് ടെൻ 5, സോണി സ്പോർട്സ് ടെൻ 5 എച്ച്ഡി.