ഏറ്റവും കരുത്തരായ ബാറ്റിങ് നിരയെ പവർപ്ലേയിൽ പിടിച്ചുകെട്ടി സഞ്ജുവിന്റെ രാജസ്ഥാൻ

ഐപിഎല്ലിലെ ഏറ്റവും കരുത്തരായ ബാറ്റിങ് നിരയെ പവർപ്ലേയിൽ പിടിച്ചുകെട്ടി രാജസ്ഥാൻ റോയൽസിന്റെ ബൌളിങ് യൂണിറ്റ്. ഐപിഎല്ലിൽ ഈ സീസണിലെ ഏറ്റവും കുറഞ്ഞ പവർപ്ലേ സ്കോറാണ് ഹൈദരാബാദ് നേടിയത്. സഞ്ജുവിന്റെ ടീമിനെതിരെ ആറോവറിൽ രണ്ട് വിക്കറ്റ് നഷ്ടത്തിൽ 37 റൺസെടുക്കാനേ ഹൈദരാബാദിന് കഴിഞ്ഞുള്ളൂ.

ഐപിഎല്ലിന്റെ ഇതേവരെയുള്ള ചരിത്രത്തിൽ, പവർ പ്ലേയിലെ ഏറ്റവും കുറഞ്ഞ ആറാമത്തെ സ്കോറാണ് സൺറൈസേഴ്സ് ഇന്ന് അടിച്ചെടുത്തത്. പഞ്ചാബിലെ മുല്ലൻപൂരിൽ വച്ച് പവർപ്ലേയിൽ മൂന്ന് വിക്കറ്റ് നഷ്ടത്തിൽ 27 റൺസെടുത്ത പഞ്ചാബ് കിങ്സാണ് ഇക്കൂട്ടത്തിൽ ഏറ്റവും കുറഞ്ഞ റൺവേട്ടക്കാർ.

രാജസ്ഥാൻ നിരയിൽ ട്രെന്റ് ബോൾട്ട്, അശ്വിൻ, ആവേശ്ഖാൻ, സന്ദീപ് ശർമ്മ എന്നിവരാണ് മികച്ച രീതിയിൽ പന്തെറിഞ്ഞത്. യുസ്വേന്ദ്ര ചഹൽ ഇന്ന് പതിവിലേറെ റൺസ് വിട്ടുനൽകുന്ന കാഴ്ചയാണ് കണ്ടത്. ഐപിഎല്ലിലെ വിക്കറ്റ് വേട്ടക്കാരിൽ മുമ്പനാണ് ചഹൽ.