മലയാളി താരം സഞ്ജു സാംസണ് നയിക്കുന്ന രാജസ്ഥാന് റോയല്സ് ഇന്ത്യന് പ്രീമിയര് ലീഗില് തട്ടുപൊളിപ്പൻ ഫോമിലാണ്. 17ാമത് ഐപിഎൽ സീസണിൽ കളിച്ച എട്ട് മത്സരത്തില് ഏഴും വിജയിച്ച് 14 പോയിന്റുമായി രാജസ്ഥാന് പോയിന്റ് പട്ടികയില് ഒന്നാമത്. കഴിഞ്ഞ മത്സരത്തില് മുംബൈ ഇന്ത്യന്സിനെതിരെ 9 വിക്കറ്റുകളുടെ ആധികാരിക വിജയം സ്വന്തമാക്കിയാണ് സഞ്ജുവും സംഘവും മുന്നേറുന്നത്.
രാജസ്ഥാന്റെ നായകനെന്ന നിലയിലും വിക്കറ്റ് കീപ്പർ, ബാറ്റർ എന്നീ നിലകളിലും സമസ്ഥമേഖലകളിലും സ്ഥിരതയാർന്ന പ്രകടനമാണ് സഞ്ജു സാംസൺ നടത്തുന്നത്. ഗുജറാത്ത് ടൈറ്റൻസിനെതിരെ തോറ്റ മത്സരത്തിൽ പോലും അവസാന ഓവറുകളിൽ ബോളർമാർ നിലവാരത്തകർച്ച കാണിച്ചതാണ് രാജസ്ഥാന് തിരിച്ചടി നൽകിയത്. രാജസ്ഥാന് ഒരു മത്സരം പോലും ഈസി ഗെയിം ആയിരുന്നില്ല. ടീം ഗെയിമാണ് അവരുടെ കരുത്ത്.
Yashasvi Jaiswal’s knock is a proof of class is permanent . Form is temporary @ybj_19 and there shouldn’t be any debate about Keepar batsman . @IamSanjuSamson should walks in to the Indian team for T20 worldcup and also groomed as a next T20 captain for india after rohit . koi…
— Harbhajan Turbanator (@harbhajan_singh) April 22, 2024
കളിക്കാരിൽ വിശ്വാസമർപ്പിച്ച് അവരുടെ പ്രകടനങ്ങളെ പ്രചോദിപ്പിച്ച് മുന്നോട്ടു പോകുന്നൊരു നായകനും സംഗക്കാരയെ പോലൊരു കോച്ചും കൂടെ പോസിറ്റിവിറ്റി പടർത്തുന്നൊരു മാനേജ്മെന്റും കൂടെയുള്ളപ്പോൾ ഈ ടീം ഇതിലും മനോഹരമായി കളിച്ചില്ലെങ്കിലല്ലേ അത്ഭുതമുള്ളൂ. ടൂർണമെന്റിൽ ഫോമിൽ അല്ലാതിരുന്ന ജോസ് ബട്ട്ലറും യശസ്വി ജെയ്സ്വാളും ഫോമിലേക്ക് ഉയർന്നതോടെ രാജസ്ഥാൻ റോയല്സ് ഈ സീസണിൽ ഏതു ടീമിനും വെല്ലുവിളിയാകുന്ന ടീമായി മാറിക്കഴിഞ്ഞു.
ടീമിന്റെ വിജയക്കുതിപ്പില് മല്ലു ബോയ് സഞ്ജു സാംസണിന്റെ ക്യാപ്റ്റന്സി മികവിന് വലിയ പങ്കാണുള്ളത്. പ്ലേയറെന്ന നിലയിലും ക്യാപ്റ്റനെന്ന നിലയിലും ലോകോത്തര താരങ്ങളെ പോലും വെല്ലുന്ന പ്രകടനമാണ് സഞ്ജു പുറത്തെടുക്കുന്നത്. ഇതോടെ ഇനിയെങ്കിലും സഞ്ജുവിന് ടി20 ലോകകപ്പ് ടീമില് സ്ഥാനം നല്കണമെന്ന് ആവശ്യപ്പെട്ടിരിക്കുകയാണ് മുന് ഇന്ത്യന് താരമായ ഹര്ഭജന് സിങ്.
He’ll back you. He’ll support you. He’ll celebrate you. His name is Sanju Samson, Captain. 💗🙏 pic.twitter.com/gU8yXYxo7K
— Rajasthan Royals (@rajasthanroyals) April 23, 2024
“സഞ്ജു സാംസണെ കുറിച്ച് ഒരു ചര്ച്ചയുടേയും ആവശ്യമില്ല. ടി20 ലോകകപ്പിനുള്ള ഇന്ത്യന് ടീമിലേക്ക് സഞ്ജുവിന് സ്ഥാനം നല്കണം. രോഹിത് ശര്മ്മയ്ക്ക് ശേഷം ഇന്ത്യയുടെ ക്യാപ്റ്റനുമാകണം,” ഹര്ഭജന് സിങ് എക്സില് കുറിച്ചു. “യുവതാരം യശസ്വി ജയ്സ്വാളിന്റെ പ്രകടനത്തെക്കുറിച്ചും അദ്ദേഹം പ്രശംസിച്ചു. ഫോം എന്നത് താല്ക്കാലികവും ക്ലാസ് എന്നത് സ്ഥിരവുമാണ് എന്നതിന്റെ ഉദാഹരണമാണ് യശസ്വിയുടെ പ്രകടനം,” ഹര്ഭജന് കൂട്ടിച്ചേര്ത്തു.
