IPL 2024: ഇവരാണ് ഐപിഎൽ 2024 സീസണിലെ മിന്നും താരങ്ങൾ

17-ാമത് ഐപിഎൽ സീസണിലെ പകുതി മത്സരങ്ങളും പൂർത്തിയാക്കുമ്പോൾ പ്രതീക്ഷകൾ തകിടംമറിക്കുന്ന പ്രകടനങ്ങളാണ് പല ടീമുകളുടെയും, കളിക്കാരുടെയും ഭാഗത്തുനിന്ന് ഉണ്ടാകുന്നത്. ഈ സീസണിൽ ഓരോ ടീമിലും മികച്ച പ്രകടനം കാഴ്ചവയ്ക്കുന്ന 10 കളിക്കാർ ആരൊക്കെയാണെന്ന് നോക്കാം.

രാജസ്ഥാൻ റോയൽസ്
റിയാൻ പരാഗ്

നിലവിൽ പോയിൻ്റ് പട്ടികയിൽ ഒന്നാം സ്ഥാനത്താണ് രാജസ്ഥാൻ റോയൽസ്. ടീമിന്റെ ഈ സീസണിലെ മിന്നും പ്രകടനത്തിന് പ്രധാന പങ്കുവഹിച്ച കളിക്കാരനാണ് റിയാൻ. നിലവിൽ ഓറഞ്ച് ക്യാപ്പിനായുള്ള മത്സരത്തിൽ വിരാട് കോഹ്ലിക്ക് പിന്നിൽ രണ്ടാം സ്ഥാനത്താണ് 22 കാരനായ റിയാൻ.

മത്സരങ്ങൾ: 7, ഇന്നിംഗ്‌സ് : 7, നോട്ടൗട്ട്: 2, റൺസ്: 318, ഉയർന്ന സ്‌കോർ: 84*, സ്‌ട്രൈക്ക് റേറ്റ്: 161.42, അർധ സെഞ്ചുറി: 3

കൊൽക്കത്ത നൈറ്റ് റൈഡേഴ്സ്
സുനിൽ നരെയ്ൻ

കെകെആർ കോച്ചിംഗ് സെറ്റപ്പിലേക്ക് ഗൗതം ഗംഭീർ തിരിച്ചെത്തിയതോടെ വ്യത്യസ്തനായ സുനിൽ നരെയ്‌നെയാണ് നമ്മൾ കണ്ടത്. ബാറ്റ് കൊണ്ടും പന്ത് കൊണ്ടും അത്ഭുതം കാണിക്കുന്ന താരമാണ് സുനിൽ നരെയ്ൻ.

മത്സരങ്ങൾ: 6, ഇന്നിംഗ്‌സ്: 6: നോട്ടൗട്ട്: 0, റൺസ്: 276, ഉയർന്ന സ്‌കോർ: 109, സ്‌ട്രൈക്ക് റേറ്റ്: 187.75, സെഞ്ചുറി: 1, അർധ സെഞ്ചുറി: 1; വിക്കറ്റ്: 7, ഇക്കണോമി റേറ്റ്: 6.87

ചെന്നൈ സൂപ്പർ കിങ്സ്
ശിവം ദുബെ

ചെന്നൈ സൂപ്പർ കിങ്സിന്റെ വിജയങ്ങളിൽ നിർണായക സ്വാധീനമാകാറുള്ള കളിക്കാരനാണ് ഓൾറൗണ്ടർ കൂടിയായ ശിവം ദുബെ. മികച്ച പ്രകടനമാണ് ഈ സീസണിലും ശിവം കാഴ്ചവയ്ക്കുന്നത്.

മത്സരങ്ങൾ: 6, ഇന്നിംഗ്‌സ്: 6, നോട്ടൗട്ട്: 2, റൺസ്: 242, ഉയർന്ന സ്‌കോർ: 66*, സ്‌ട്രൈക്ക് റേറ്റ്: 163.51, , അർധ സെഞ്ചുറി: 2

സൺറൈസേഴ്സ് ഹൈദരാബാദ്
പാറ്റ് കമ്മിൻസ്

ലോകകപ്പ് വിജയത്തിന്റെ ആത്മവിശ്വാസത്തോടെ സൺറൈസേഴ്‌സ് ഹൈദരാബാദിന്റെ ക്യാമ്പിലെത്തിയ പാറ്റ് കമ്മിൻസ്, ടീമിന്റെ നെടുന്തൂണായി മാറിയ കാഴ്ചയാണ് ഐപിഎൽ 2024 കണ്ടത്.

മത്സരങ്ങൾ: 6, ഇന്നിംഗ്‌സ്: 6, വിക്കറ്റ്: 9, ഇക്കണോമി റേറ്റ്: 7.87

ലഖ്‌നൗ സൂപ്പർ ജയൻ്റ്‌സ്
മായങ്ക് യാദവ്

യുവ പേസ് ബൗളർ മായങ്ക് യാദവ്, രണ്ടു മത്സരങ്ങൾക്ക് ശേഷം ആരോഗ്യപ്രശ്നത്തെ തുടർന്ന് ടീമിൽ നിന്ന് പുറത്തു പോകുകയായിരുന്നു. എന്നാൽ മയങ്ക് തൊടുത്തുവിട്ട തീ പന്തുകൾ ക്രിക്കറ്റ് പ്രേമികളുടെ മനസിൽ പതിച്ചവയായിരുന്നു.  

മത്സരങ്ങൾ: 3, ഇന്നിംഗ്‌സ്: 3, വിക്കറ്റ്: 6, ഇക്കണോമി റേറ്റ്: 6.00

ഡൽഹി ക്യാപിറ്റൽസ്
ഋഷഭ് പന്ത്

ജീവൻ പോലും നഷ്ടപ്പെടേണ്ടിയിരുന്ന കാർ അപകടത്തിൽ നിന്ന് അത്ഭുതകരമായാണ് റിഷഭ് പന്ത് തിരിച്ചെത്തിയത്. ക്രിക്കറ്റിലേക്കുള്ള തിരിച്ചുലരവിലും ആ അത്ഭുത പ്രകടനമാണ് പന്ത് കാഴ്ചവച്ചത്.

മത്സരങ്ങൾ: 17, ഇന്നിംഗ്‌സ്: 7, നോട്ടൗട്ട്: 1, റൺസ്: 210, ഉയർന്ന സ്‌കോർ: 55, സ്‌ട്രൈക്ക് റേറ്റ്: 156.71, അർധ സെഞ്ചുറി: 2

മുംബൈ ഇന്ത്യൻസ്
ജസ്പ്രീത് ബുംറ

മുംബൈയുടെ ഏറ്റവും മികച്ച ബൗളറാണ് ജസ്പ്രീത് ബുംറ. ഈ സീസണിലും പതിവ് തെറ്റിക്കാതെ മികച്ച പ്രകടനമാണ് താരം കാഴ്ച വയ്ക്കുന്നത്.

മത്സരങ്ങൾ: 7, ഇന്നിംഗ്‌സ്: 7, വിക്കറ്റ്: 13, ഇക്കോണമി നിരക്ക്: 5.96

ഗുജറാത്ത് ടൈറ്റൻസ്
ശുഭ്മാൻ ഗിൽ

ഗുജറാത്തിന്റെ പ്രകടനം കഴിഞ്ഞ വർഷങ്ങളിലേതുമായി താരതമ്യം ചെയ്യുമ്പോൾ, മങ്ങിയിട്ടുണ്ടെങ്കിലും നായകൻ ശുഭ്മാൻ ഗില്ല് മികച്ച പ്രകടനമാണ് ടീമിനായി കാഴ്ചവയ്ക്കുന്നത്.

മത്സരങ്ങൾ: 7, ഇന്നിംഗ്സ്: 7, റൺസ്: 263, സ്ട്രൈക്ക് റേറ്റ്: 151.14, അർധ സെഞ്ചുറി: 2

പഞ്ചാബ് കിംഗ്സ്
അശുതോഷ് ശർമ്മ

ഐപിഎൽ 2024 സീസണിലെ ഏറ്റവും മികച്ച ഇംപാക്റ്റ് പ്ലയേഴ്സിൽ ഒരാളാണ്, അശുതോഷ് ശർമ്മ.

മത്സരങ്ങൾ: 4, ഇന്നിംഗ്‌സ്: 4, നോട്ടൗട്ട്:  1, റൺസ്: 156, ഉയർന്ന സ്‌കോർ: 61, സ്‌ട്രൈക്ക് റേറ്റ്: 205.26

റോയൽ ചലഞ്ചേഴ്സ് ബെംഗളൂരു
വിരാട് കോലി

പതിവു പോലെ മികച്ച പ്രകടനമാണ് ഈ സീസണിലും വിരാട് കോഹ്ലി കാഴ്ചവയ്ക്കുന്നത്. പതിവു തെറ്റിക്കാതെ, റൺ ചാർട്ടിൽ കോഹ്‌ലി വീണ്ടും ഒന്നാമതെത്തിയപ്പോൾ ടീം ഏറ്റവും താഴെ എത്തി.

മത്സരങ്ങൾ: 7, ഇന്നിംഗ്‌സ്: 7, നോട്ടൗട്ട്: 2, റൺസ്: 361, സ്‌ട്രൈക്ക് റേറ്റ്: 147.34, സെഞ്ചുറി: 1, അർധ സെഞ്ചുറി: 2