രജനീകാന്തിന്റെ വലിയൊരു ഫാൻ ബോയ് ആണ് ഇന്ത്യൻ ക്രിക്കറ്ററും മലയാളി താരവുമായ സഞ്ജു സാംസൺ. അടുത്തിടെ ചെന്നൈയിലുള്ള സൂപ്പർ സ്റ്റാർ രജനീകാന്തിന്റെ വീട്ടിലെത്തി അദ്ദേഹത്തേയും കുടുംബത്തെ കണ്ട് സംസാരിക്കാനും അൽപ്പസമയം ചെലവഴിക്കാനും സഞ്ജുവിന് ഭാഗ്യം ലഭിച്ചിരുന്നു.
രജനീകാന്തിന്റെ പേരക്കുട്ടികൾ (ധനുഷിന്റെ മക്കൾ) രാജസ്ഥാൻ റോയൽസ് ആരാധകരാണെന്നും സഞ്ജുവിനെ വലിയ ഇഷ്ടമാണെന്നും രജനി സർ വെളിപ്പെടുത്തിയതായി സഞ്ജു ഒരു അഭിമുഖത്തിൽ തുറന്നുപറഞ്ഞിട്ടുണ്ട്.
എന്നാൽ ഇത്തവണ ഐപിഎൽ സീസണിന് മുന്നോടിയായി സ്റ്റാർ സ്പോർട്സ് നടത്തിയൊരു അഭിമുഖത്തിൽ തമിഴക സൂപ്പർ സ്റ്റാറിന്റെ അരുണാചലം എന്ന സിനിമയിലെ മാസ്സ് ഡയലോഗ് പറഞ്ഞ് സഞ്ജു ആരാധകരെ കൈയ്യിലെടുത്തിരിക്കുകയാണ്.
‘ആണ്ടവൻ സൊൽറാ, അരുണാചലം മുടിയിറാ’ എന്നാണ് സഞ്ജു പറഞ്ഞത്. രജനീകാന്ത് സ്റ്റൈൽ അതേപടി ശരീരത്തിലേക്ക് ആവാഹിച്ച് അതുപോലെയുള്ള അംഗചലനങ്ങളിലൂടെ സഞ്ജു ഡയലോഗ് പറഞ്ഞതും കണ്ടുനിന്ന കാണികൾ നിർത്താതെ കരഘോഷം മുഴക്കി.
Read More
- സമ്പൂർണ സൂര്യഗ്രഹണം എന്നാണ്? ഇന്ത്യയിൽ ദൃശ്യമാകുമോ?
- സൂര്യഗ്രഹണം: ദോഷം ആർക്കൊക്കെ?
- ഗ്രഹണസമയത്ത് ഭക്ഷണം കഴിക്കാമോ?, ഗര്ഭിണികള് പുറത്തിറങ്ങാമോ?; ഇത്ര ഭയക്കേണ്ട ഒന്നാണോ ചന്ദ്രഗ്രഹണം?
