ചെന്നൈയെ തോൽപ്പിച്ചെങ്കിലും റിഷഭ് പന്തിന് മുട്ടൻ പണി കിട്ടി!

ചെന്നൈ സൂപ്പര്‍ കിങ്‌സിനെ 20 റൺസിന് തോൽപ്പിച്ച് സീസണിലെ ആദ്യ ജയം സ്വന്തമാക്കിയെങ്കിലും ഡല്‍ഹി ക്യാപിറ്റല്‍സ് നായകന്‍ റിഷഭ് പന്തിന് വൻ തിരിച്ചടി. മത്സരത്തില്‍ കുറഞ്ഞ ഓവര്‍ നിരക്കിന് ഡൽഹി നായകന് വൻതുക പിഴ അടയ്‌ക്കേണ്ടി വരും. മാച്ച് റഫറി 12 ലക്ഷം രൂപയാണ് പന്തിന് പിഴയായി വിധിച്ചിരിക്കുന്നത്.

നേരത്തെ ഗുജറാത്ത് ടൈറ്റന്‍സിന്റെ നായകൻ ശുഭ്മാന്‍ ഗില്ലിനും കുറഞ്ഞ ഓവര്‍ നിരക്കിന് മാച്ച് റഫറി പിഴ ചുമത്തിയിരുന്നു. 12 ലക്ഷം രൂപ തന്നെയാണ് ഗില്ലിനും അടയ്‌ക്കേണ്ടി വന്നത്. കൊല്‍ക്കത്ത പേസര്‍ ഹര്‍ഷിത് റാണയ്‌ക്കെതിരെയും അച്ചടക്ക നടപടി വന്നിരുന്നു.

1️⃣7️⃣ seconds and many memory frames later ❤️💙#YehHaiNayiDilli #IPL2024 #DCvCSK pic.twitter.com/HwjTAYJ9Q7
— Delhi Capitals (@DelhiCapitals) April 1, 2024

സണ്‍റൈസേഴ്‌സ് ഹൈദരാബാദിനെതിരായ മത്സരത്തില്‍ മായങ്ക് അഗര്‍വാളിന്റെ വിക്കറ്റെടുത്ത ശേഷം ഫ്ളൈയിങ്ങ് കിസ് നല്‍കി പറഞ്ഞയച്ചതിനാണ് മാച്ച് ഫീയുടെ 60 ശതമാനം ശിക്ഷ വിധിച്ചത്.

Return to Cricket. Return to his Audacious Self on the field 🔥
One word for RP17’s 51. Go👇🏼#YehHaiNayiDilli #IPL2024 #DCvCSK #RishabhPant pic.twitter.com/Ttl6rJsOdM
— Delhi Capitals (@DelhiCapitals) April 1, 2024

ചെന്നൈയ്‌ക്കെതിരായ മത്സരത്തില്‍ തകര്‍പ്പന്‍ തിരിച്ചുവരവാണ് റിഷഭ് പന്ത് കാഴ്ചവെച്ചത്. അര്‍ദ്ധ സെഞ്ചുറി നേടിയ പന്ത് ഡല്‍ഹിയെ സീസണിലെ ആദ്യ ജയത്തിലേക്ക് നയിച്ചിരുന്നു. 32 പന്തില്‍ മൂന്ന് സിക്സും നാല് ബൗണ്ടറിയുമടക്കം 51 റണ്‍സാണ് പന്ത് അടിച്ചുകൂട്ടിയത്.

Filing this under “𝘋𝘳𝘦𝘴𝘴𝘪𝘯𝘨 𝘙𝘰𝘰𝘮 𝘛𝘢𝘭𝘬𝘴 𝘸𝘦 𝘭𝘰𝘷𝘦 𝘵𝘰 𝘴𝘦𝘦” 😍#YehHaiNayiDilli #IPL2024 #DCvCSK pic.twitter.com/DvhRpBh3fa
— Delhi Capitals (@DelhiCapitals) April 1, 2024

കാറപകടത്തിൽ പരിക്കേറ്റ് ദീർഘനാൾ ക്രിക്കറ്റിൽ നിന്ന് വിട്ടുനിന്ന ശേഷം തിരിച്ചുവരവിൽ റിഷഭ് നേടുന്ന ആദ്യ ഫിഫ്റ്റിയാണിത്. 2021ന് ശേഷം താരം സ്വന്തമാക്കുന്ന ആദ്യ അർധശതകം കൂടിയായിരുന്നു ഇത്. റിഷഭ് പന്തിന്റെ ആരാധകർ ഏറെ നാളായി കാത്തിരിക്കുന്ന പ്രകടനമാണ് ചെന്നൈയ്ക്കെതിരെ പിറന്നത്.