ഒറ്റക്കയ്യിൽ പറന്ന് ക്യാച്ചെടുത്ത് പതിരന; പുഞ്ചിരിയോടെ വരവേറ്റ് ധോണി

ഐപിഎല്ലിൽ ചെന്നൈ സൂപ്പർ കിങ്സിനെതിരായ മത്സരത്തിൽ അർധസെഞ്ചുറി നേടി ഡൽഹി ക്യാപിറ്റൽസ് ഓപ്പണർ ഡേവിഡ് വാർണർ തിളങ്ങിയിരുന്നു. 35 പന്തിൽ നിന്ന് 52 റൺസുമായി കുതിക്കുകയായിരുന്നു ഓസീസ് താരത്തെ പുറത്താക്കിയത് ലങ്കൻതാരം മതീഷ പതിരനയെടുത്ത തകർപ്പൻ ക്യാച്ചായിരുന്നു.

ഒറ്റക്കയ്യിൽ പറന്നെടുത്ത ക്യാച്ച് ആദ്യ കാഴ്ചയിൽ തന്നെ ആരുടേയും മനംകവരുന്നതായിരുന്നു. ക്യാച്ചിനെ വാനോളം പുകഴ്ത്തുകയാണ് സോഷ്യൽ മീഡിയ മുഴുവനും.

താൻ പുറത്തായെന്ന കാര്യം വിശ്വസിക്കാൻ ഒരു നിമിഷം ഡേവിഡ് വാർണർക്ക് പോലും സാധിച്ചില്ല. അവിശ്വസനീയതോടെ തലകുലുക്കുകയും ചിരിച്ചുകൊണ്ട് പുറത്തേക്ക് പോകുകയുമാണ് താരം ചെയ്തത്. ഈ പുറത്താകലോടെ പരമ്പരയിൽ ഏറ്റവും കൂടുതൽ വിക്കറ്റ് നേടിയ ബൌളറായി മുസ്തഫിസുർ റഹ്മാൻ മാറുകയും ചെയ്തു. ഈ സീസണിൽ ഇതുവരെ ഏഴു വിക്കറ്റുകളാണ് മുസ്തഫിസുർ നേടിയത്.

𝗦𝗧𝗨𝗡𝗡𝗘𝗥 🤩
Matheesha Pathirana takes a one hand diving catch to dismiss David Warner who was on song tonight
Watch the match LIVE on @JioCinema and @StarSportsIndia 💻📱#TATAIPL | #DCvCSK | @ChennaiIPL pic.twitter.com/sto5tnnYaj
— IndianPremierLeague (@IPL) March 31, 2024

മുസ്തഫിസുർ എറിഞ്ഞ പത്താം ഓവറിലെ മൂന്നാമത്തെ പന്ത് റിവേഴ്സ് സ്വീപ്പ് ചെയ്യാൻ ശ്രമിച്ചാണ് വാർണർ പുറത്തായത്. വലതു വശത്തായി ഉയർന്നുവരുന്ന പന്തിലേക്ക് ഒരു നിമിഷം പറന്നെത്തിയാണ് ഒറ്റക്കൈ കൊണ്ട് പതിരന ക്യാച്ചെടുത്തത്.

MSD’s reaction post that Flying catch💥
He’s happy and So are we😎💫💛
Matheesha Pathirana, You’re GOAT.#DCvsCSK pic.twitter.com/hnyU5cIrcc
— Hustler (@HustlerCSK) March 31, 2024

അൽപ്പസമയം അവിടെ തന്നെ കിടന്നാണ് ലങ്കൻ താരം ആദ്യ വിക്കറ്റ് നേട്ടം ആഘോഷിച്ചത്. വിക്കറ്റ് കീപ്പർ എം.എസ്. ധോണിയുടെ മുഖത്ത് വിരിഞ്ഞ പുഞ്ചിരിയിൽ പോലും ഈ ക്യാച്ച് എത്രമാത്രം സ്പെഷ്യലാണെന്ന് വ്യക്തമായിരുന്നു.

Matheesha Pathirana reaction after taking one of the greatest catches…!!!! 🥶 pic.twitter.com/0epssmP60B
— Mufaddal Vohra (@mufaddal_vohra) March 31, 2024