ലോകപ്രശസ്ത ഡിജെയും മ്യൂസിക് പ്രൊഡ്യൂസറുമായ അലൺ വാക്കർ വിരാട് കോഹ്ലിക്ക് ആശംസകൾ നേരുന്ന ഒരു വീഡിയോയാണ് ഇപ്പോൾ ശ്രദ്ധനേടുന്നത്. വിരാട് കോഹ്ലിക്ക് മകൻ ജനിച്ചതിൽ ആശംസ അറിയിക്കുന്നാതായി അലൺ വാക്കർ പറഞ്ഞു. റോയൽ ചലഞ്ചേഴ്സ് ബാംഗ്ലൂർ അടുത്തിടെ സംഘടിപ്പിച്ച അൺബോക്സിംഗ് ഇവൻ്റിലായിരുന്നു താരങ്ങളുടെ കണ്ടുമുട്ടൽ.
ചടങ്ങിൽ എത്തിയ അലൺ വാക്കർ, വിരാട് കോഹ്ലിക്ക് പെൺകുഞ്ഞാണ് ജനിച്ചതെന്ന് കരുതിയാണ് ആശംസ അറിയച്ചത്. എന്നാൽ തനിക്ക് പെൺകുഞ്ഞ് അല്ല ആൺകുഞ്ഞാണ് ജനിച്ചതെന്ന് വിരാട് തിരുത്തി. ഇരുവരും തമ്മിലുള്ള സംഭാഷണം സോഷ്യൽ മീഡിയയിൽ പെട്ടെന്ന് തന്നെ വൈറലായി.
ഈ വർഷം ഫെബ്രുവരിയിലാണ് വിരാട് കോഹ്ലിക്കും അനുഷ്ക ശർമ്മയ്ക്കും രണ്ടാമത്തെ കുട്ടി ജനിക്കുന്നത്. സോഷ്യൽ മീഡിയ ഹാൻഡിലിലൂടെയാണ് താരങ്ങൾ രണ്ടാമതും മാതാപിതാക്കളായ വിവരം ആരാധകരെ അറിയിച്ചത്. മകന്റെ പേര് അകയ് എന്നാണെന്നും താരങ്ങൾ അറിയിച്ചിരുന്നു.
2017 ഡിസംബർ 11ന് ഇറ്റലിയിൽ വച്ചാണ് വിരാടും അനുഷ്‌കയും വിവാഹിതരായത്. താരങ്ങൾ ഇരുവരും കുട്ടികളുടെ സ്വകാര്യത മാനിച്ച്, അവരെ പൊതുഇടങ്ങളിൽ നിന്നും മാറ്റിനിർത്താൻ ശ്രമിക്കാറുണ്ട്.
കായിക താരം ജ്വാല ഗുട്ടയുടെ ജീവചരിത്രമായ ചക് ദ എക്സ്പ്രസിലാണ് അനുഷ്ക അടുത്തതായി അഭിനയിക്കുന്നത്. 2024 ഐപിഎൽ മത്സരങ്ങളുടെ തിരക്കിലാണ് വിരാട് കോഹ്ലി. ഐപിഎൽ ഉദ്ഘാടന മത്സരം, ചെന്നൈ സൂപ്പർ കിംഗ്‌സും, റോയൽ ചലഞ്ചേഴ്സ് ബാംഗ്ലൂരും തമ്മിലാണ് നടക്കുന്നത്. വെള്ളിയാഴ്ച രാത്രി 8:00 മണിക്കാണ് മത്സരം ആരംഭിക്കുന്നത്.
Read More
- ഐപിഎൽ മത്സരങ്ങൾ എപ്പോൾ, എവിടെ കാണാം?
- ക്യാപ്റ്റൻ സ്ഥാനം ഒഴിഞ്ഞ് എംഎസ് ധോണി
- എല്ലിസ് പെറി, സോഫി മോളിനക്സ്; ഇക്കൊല്ലം ബാംഗ്ലൂരിന് കപ്പ് സമ്മാനിച്ചത് ‘ഓസീസ് ഫയർ പവർ’
- ‘പന്തെറിയുന്ന കൈയ്യിൽ തീപിടിച്ചു’; ക്രിക്കറ്റ് ഉപേക്ഷിക്കാനും ആലോചിച്ചിരുന്നതായി സിറാജ്
- പന്ത് ‘ഫിറ്റാ’; ഐപിഎൽ കളിക്കാൻ പൂർണ്ണസജ്ജൻ; പുറത്തായത് ഈ ഇന്ത്യൻ താരങ്ങൾ
