വനിതാ പ്രീമിയര്‍ ലീഗിലെ വിജയത്തിന് പിന്നാലെ റോയല്‍ ചലഞ്ചേഴ്സ് ക്യാപ്റ്റന്‍ സ്മൃതി മന്ദാനയുടെ ചിത്രം സോഷ്യല്‍ മീഡിയയില്‍ ചര്‍ച്ചയാകുന്നു. കിരീടം പിടിച്ചുനില്‍ക്കുന്ന സ്മൃതിയുടെ തോളില്‍ കൈയിട്ട് നില്‍ക്കുന്ന ആണ്‍സുഹൃത്ത് പലാഷ് മുഛലിന്റെ ചിത്രമാണ് ഇപ്പോള്‍ സമൂഹമാധ്യമങ്ങളിൽ ചർച്ചകൾക്ക് വഴിവെക്കുന്നത്. ‘ഈ സാല കപ്പ് നംദു’ എന്ന ക്യാപ്ഷനോടെ ഇന്‍സ്റ്റഗ്രാമില്‍ പലാഷ് തന്നെയാണ് ഈ ചിത്രം പങ്കുവെച്ചത്.
വനിതാ ക്രിക്കറ്റില്‍ ഏറെ ആരാധകരുള്ള താരമാണ് സ്മൃതി മന്ദാന. അതുകൊണ്ട് തന്നെ താരത്തിന്റെ കൂടെ നില്‍ക്കുന്ന യുവാവ് ആരാണെന്നറിയാനുള്ള അന്വേഷണത്തിലാണ് ആരാധകർ. ഇതിനു മുമ്പും ഒരുമിച്ചുള്ള ചിത്രങ്ങള്‍ ഇരുവരും സോഷ്യല്‍ മീഡിയയില്‍ പങ്കുവച്ചിട്ടുണ്ട്.
ഗായകനും സംഗീത സംവിധായകനുമായ പലാഷ് മുഛലുമായി സ്മൃതി മന്ദാന പ്രണയത്തിലാണ് എന്നാണ് സ്ഥിരീകരിക്കാത്ത റിപ്പോർട്ടുകൾ. പ്രണയത്തിലാണോ എന്ന കാര്യം ഇരുവരും ഇതുവരെ ഔദ്യോഗികമായി വെളിപ്പെടുത്തിയിട്ടില്ല.
ബോളിവുഡ് ഗായിക പലക് മുഛലിന്റെ സഹോദരനാണ് പലാഷ്. ഹിന്ദി ചിത്രങ്ങളായ ഭൂത്‌നാഥ് റിട്ടേണ്‍സ്, ദിഷ്‌കിയോണ്‍ എന്നിവയ്ക്കായി സംഗീത സംവിധാനം നിര്‍വഹിച്ചത് 28കാരനായ പലാഷ് മുഛലാണ്. നേരത്തെ സ്മൃതി മന്ദാനയുടെ 27ാം പിറന്നാൾ ആഘോഷിക്കാനായി പലാഷ് ബംഗ്ലാദേശിലെത്തിയിരുന്നു.
ഈ സമയത്ത് ഇന്ത്യന്‍ ടീമിനൊപ്പം ബംഗ്ലാദേശ് പര്യടനത്തിലായിരുന്നു സ്മൃതി. പലാഷിന്റെ പിറന്നാള്‍ ആഘോഷത്തിനെത്തിയ ആർസിബി നായികയുടെ വീഡിയോയും നേരത്തെ വൈറലായിരുന്നു.
Read More
- എല്ലിസ് പെറി, സോഫി മോളിനക്സ്; ഇക്കൊല്ലം ബാംഗ്ലൂരിന് കപ്പ് സമ്മാനിച്ചത് ‘ഓസീസ് ഫയർ പവർ’
- ‘പന്തെറിയുന്ന കൈയ്യിൽ തീപിടിച്ചു’; ക്രിക്കറ്റ് ഉപേക്ഷിക്കാനും ആലോചിച്ചിരുന്നതായി സിറാജ്
- പന്ത് ‘ഫിറ്റാ’; ഐപിഎൽ കളിക്കാൻ പൂർണ്ണസജ്ജൻ; പുറത്തായത് ഈ ഇന്ത്യൻ താരങ്ങൾ
- ജയ് ജയ് ജെയ്സ്വാൾ; വെടിക്കെട്ട് ബാറ്ററെ തേടിയെത്തി മറ്റൊരു രാജ്യാന്തര ബഹുമതി
- നൂറാം ടെസ്റ്റിൽ റെക്കോർഡുമായി അശ്വിൻ; ഇന്ത്യയ്ക്ക് അവിസ്മരണീയ ജയം
