ഇവളാണ് ‘ലേഡി ഡിവില്ലിയേഴ്സ്’; പെറിയെ തേടിയെത്തിയത് സര്‍പ്രൈസ് ഗിഫ്റ്റ്

വനിതാ പ്രീമിയര്‍ ലീഗില്‍ റോയല്‍ ചലഞ്ചേഴ്‌സ് ബാംഗ്ലൂരിനെ ഫൈനലിലേക്ക് നയിച്ചത് ഓസീസ് താരം എല്ലീസ് പെറിയുടെ തകര്‍പ്പന്‍ പ്രകടനമായിരുന്നു. ഇതിനു പിന്നാലെ പെറിയെ ഒരു സര്‍പ്രൈസ് സമ്മാനം തേടിയെത്തിയിരിക്കുകയാണ്. മാര്‍ച്ച് നാലിന് നടന്ന ആര്‍സിബി-യുപി വാരിയേഴ്സ് പോരാട്ടത്തിനിടെ എല്ലീസ് പെറി സിക്സറടിച്ച് സമ്മാനമായി വച്ചിരുന്ന കാറിന്റെ ചില്ല് തകര്‍ത്തിരുന്നു. ഈ ചില്ല് തന്നെ സമ്മാനമായി നല്‍കിയിരിക്കുകയാണ് കാറിന്റെ സ്‌പോണ്‍സറായ ടാറ്റ.

നിറഞ്ഞ ചിരിയോടെയാണ് പെറി ഈ ഗിഫ്റ്റ് വാങ്ങിയത്. യുപി വാരിയേഴ്‌സിനെതിരെ നടന്ന മത്സരത്തില്‍ വണ്‍ഡൗണായി എത്തിയ എലിസെ പെറി 37 പന്തില്‍ നിന്ന് നാല് ബൗണ്ടറിയും നാല് സിക്സുമടക്കമാണ് 58 റണ്‍സെടുത്തത്. അര്‍ദ്ധ സെഞ്ചുറി തികച്ചതിന് പിന്നാലെ താരം അടിച്ച സിക്സാണ് വൈറലായത്. ഷോട്ട് കാറിന്റെ ജനലില്‍ വന്ന് പതിക്കുകയും ചില്ല് പൂര്‍ണമായി തകരുകയും ചെയ്തു. ഇതുകണ്ട പെറി തലയില്‍ കൈ വെക്കുകയും ചെയ്തിരുന്നു.

Famous Elysse Perry six which broke the car windowpic.twitter.com/gVEGMZZ9zg
— Contest World (@contest_world) March 16, 2024

കഴിഞ്ഞ ദിവസം നടന്ന പ്ലേ ഓഫ് മത്സരത്തില്‍ മുംബൈ ഇന്ത്യന്‍സിനെ തകര്‍ത്ത് റോയല്‍ ചലഞ്ചേഴ്‌സ് ബാംഗ്ലൂര്‍ ഫൈനലിലെത്തിയിരുന്നു. സൂപ്പര്‍ താരം എല്ലീസ് പെറിയുടെ ഓള്‍റൗണ്ട് പ്രകടനമാണ് ആര്‍സിബിക്ക് തുണയായത്.

TATA has gifted the Broken Glass window to Ellyse Perry. 😄👌 pic.twitter.com/yPItU3IRc1
— Johns. (@CricCrazyJohns) March 16, 2024

ഒരു ഘട്ടത്തില്‍ മൂന്നിന് 23 റണ്‍സെന്ന നിലയില്‍ തകര്‍ന്ന റോയല്‍ ചാലഞ്ചേഴ്‌സിനെ 50 പന്തില്‍ 66 റണ്‍സെടുത്താണ് പെറി കരകയറ്റിയത്. മറുപടി ബാറ്റിങ്ങില്‍ ഒരു വിക്കറ്റ് വീഴ്ത്തിയും താരം തിളങ്ങി. മുംബൈയ്‌ക്കെതിരെ അഞ്ച് റണ്‍സിന്റെ ആവേശവിജയം സ്വന്തമാക്കിയ മത്സരത്തില്‍ പെറിയെയാണ് പ്ലേയര്‍ ഓഫ് ദ മാച്ചായി തിരഞ്ഞെടുത്തതും.