ധർമ്മശാല: അഞ്ചാം ടെസ്റ്റിലും രാഹുൽ കളിക്കുന്നില്ലെങ്കിൽ കർണാടക താരം ദേവ്ദത്ത് പടിക്കലിന് അവസരം ഒരുങ്ങിയേക്കും. രജത് പാട്ടിദാറിന്റെ മോശം ഫോം പടിക്കലിന് വഴിയൊരുക്കുമെന്നാണ് റിപ്പോർട്ടുകൾ. അതിനിടെ പേസർ ജസ്പ്രീത് ബുമ്രയും ഇന്ത്യൻ ടീമിലേക്ക് മടങ്ങിയെത്തുമെന്നാണ് സൂചന. തുടർച്ചയായ മത്സരക്രമം പരിഗണിച്ചാണ് നാലാം ടെസ്റ്റിൽ ബുമ്രയ്ക്ക് വിശ്രമം നൽകിയത്.
ബുമ്ര മടങ്ങിവന്നാൽ പരമ്പരയിലെ നാല് മത്സരങ്ങളും കളിച്ച താരങ്ങളിൽ ചിലർക്ക് വിശ്രമം നൽകിയേക്കും. സ്പിന്നർ രവിചന്ദ്രൻ അശ്വിന് വിശ്രമം നൽകുമെന്നാണ് ബിസിസിഐ വൃത്തങ്ങൾ നൽകുന്ന സൂചന. ശുഭ്മാൻ ഗില്ലിനും ഒരു മത്സരത്തിൽ വിശ്രമം നൽകുന്ന കാര്യം ഇന്ത്യൻ ക്യാമ്പിൽ ആലോചനയുണ്ട്.
രാഹുൽ കളിക്കുന്നില്ലെങ്കിൽ കർണാടക താരം ദേവ്ദത്ത് പടിക്കലിന് അവസരം ഒരുങ്ങിയേക്കും. രജത് പാട്ടിദാറിന്റെ മോശം ഫോം പടിക്കലിന് വഴിയൊരുക്കുമെന്നാണ് റിപ്പോർട്ടുകൾ. അതിനിടെ പേസർ ജസ്പ്രീത് ബുമ്രയും ഇന്ത്യൻ ടീമിലേക്ക് മടങ്ങിയെത്തുമെന്നാണ് സൂചന. തുടർച്ചയായ മത്സരക്രമം പരിഗണിച്ചാണ് നാലാം ടെസ്റ്റിൽ ബുംറയ്ക്ക് വിശ്രമം നൽകിയത്.
ഹിമാചൽ പ്രദേശിലെ അതിമനോഹരമായ ധർമ്മശാല ക്രിക്കറ്റ് ഗ്രൌണ്ടിലാണ് പരമ്പരയിലെ അവസാന ടെസ്റ്റ് മത്സരം നടക്കുന്നത്. അഞ്ച് ടെസ്റ്റുകൾ നീണ്ട ദീർഘമായ പരമ്പര അവസാന മാച്ചിലേക്ക് കടക്കവെ 3-1ന് ഇന്ത്യ മുന്നിലാണ്. റാഞ്ചിയിൽ നടന്ന നാലാം ടെസ്റ്റിലെ ജയത്തോടെ പരമ്പര നേട്ടം ഇന്ത്യ റാഞ്ചിയിരുന്നു. ബാസ്ബോൾ ശൈലി കടംകൊണ്ട ഇംഗ്ലണ്ട് ഇതാദ്യമായാണ് ഒരു ടെസ്റ്റ് പരമ്പര കൈവിടുന്നത്. അവസാന മത്സരം ജയിച്ച് നാണക്കേട് മാറ്റുകയാകും ബെൻ സ്റ്റോക്സിന്റേയും സംഘത്തിന്റെ ലക്ഷ്യം.
