സൗദി അറേബ്യയുടെ ടൂറിസം വകുപ്പിന് വേണ്ടി തകർപ്പൻ അഭിനയം പുറത്തെടുത്ത് അർജന്റീനൻ ഇതിഹാസ ഫുട്ബോളർ ലയണൽ മെസ്സി. വിദേശ രാജ്യത്തെ ആളുകൾക്ക് സൗദി അറേബ്യയെ കുറിച്ചുള്ള തെറ്റിദ്ധാരണകൾ തിരുത്തുന്ന തരത്തിലൊരു പരസ്യ ചിത്രത്തിലാണ് മെസ്സി വേഷമിടുന്നത്.
സൗദി അറേബ്യയെന്നാൽ വെറും മരുഭൂമിയല്ലേ, ഇവിടെ വനിതകൾക്ക് സ്വാതന്ത്ര്യമുണ്ടോ, ഇവിടെ പരിപാടികളൊന്നും നടക്കുന്നില്ലല്ലോ, വിദേശ സംസ്കാരങ്ങളെ ഉൾക്കൊള്ളുന്നില്ല തുടങ്ങിയ തെറ്റിദ്ധാരണകളുടെ മതിൽക്കെട്ടുകളാണ് മെസ്സി പൊളിച്ചടുക്കുന്നത്. നിങ്ങൾ വിചാരിക്കുന്നതിലും അപ്പുറത്തേക്ക് പോകുക എന്ന മഹത്തായ സന്ദേശവും ടൂറിസം വകുപ്പിന് വേണ്ടി മെസ്സി പങ്കുവയ്ക്കുന്നുണ്ട്.
പരസ്യ വീഡിയോ ഇതിനോടകം സോഷ്യൽ മീഡിയയിൽ വൈറലായിട്ടുണ്ട്. നിരവധി പേരാണ് ഈ വീഡിയോ പങ്കുവച്ചിരിക്കുന്നത്. ക്രിസ്റ്റ്യാനോ റൊണാൾഡോയുടെയും നെയ്മർ ജൂനിയറിന്റെയും ടീമുകളുമായി സൗഹൃദ മത്സരം കളിക്കുന്നതിനായാണ് ഇന്റർ മയാമിയുടെ നായകനായ മെസ്സി ഗൾഫിൽ എത്തിയിരിക്കുന്നത്.
Since Ronaldo couldn’t help stimulate Saudi tourism, Messi had to step in🗣️: “Go beyond your imagination and visit Saudi Arabia now.”
— FCB Albiceleste (@FCBAlbiceleste) January 26, 2024
ഫെബ്രുവരി ഒന്നിന് റിയാദിൽ നടക്കുന്ന സൗഹൃദ ടൂർണമെന്റിൽ അൽ നാസർ മെസ്സി നയിക്കുന്ന ഇന്റർ മിയാമി ടീമിനെ നേരിടും. ഫിറ്റ്നസ് പ്രശ്നങ്ങൾ അലട്ടുന്ന ക്രിസ്റ്റ്യാനോയുടെ ആരോഗ്യസ്ഥിതി മെച്ചപ്പെട്ടാൽ താരം അന്ന് കളിക്കുമെന്നാണ് പ്രതീക്ഷിക്കപ്പെടുന്നത്. നിലവിലെ സൗദി പ്രോ ലീഗിന്റെ തലപ്പത്തുള്ള നെയ്മറുടെ അൽ ഹിലാലുമായും ഇരു ടീമുകളും കളിക്കും.
- കൈകളില്ലെങ്കിലും ക്രിക്കറ്റ് കളിക്കും; സച്ചിൻ പോലും കാണാൻ കൊതിക്കുന്ന ക്രിക്കറ്റർ, വീഡിയോ
- കംഗാരുക്കളുടെ രണ്ടടിയിൽ വീണു; എഎ‍ഫ്‌സി ഏഷ്യന്‍ കപ്പില്‍ ഇന്ത്യയ്ക്ക് പിഴച്ചതെവിടെ?
- മരണത്തേയും തോൽപ്പിച്ച് അനശ്വരതയിലേക്കൊരു ബെക്കന്‍ ബോവര്‍ ഫ്രീകിക്ക്
- പാണ്ഡ്യ, രോഹിത്, കോഹ്ലി; ആരാകും ടി20 ലോകകപ്പിലെ നായകൻ?
- മെസ്സിയും കൂട്ടരും വരുന്നു; കേരളത്തിൽ കളിക്കാമെന്ന് അർജന്റീന സമ്മതിച്ചു
