ഇന്ത്യൻ ടെന്നീസ് താരം സാനിയ മിർസയുമായി വേർപിരിഞ്ഞെന്ന അഭ്യൂഹങ്ങൾ പരക്കുന്നതിനിടെ, പാകിസ്ഥാൻ ക്രിക്കറ്റ് താരം ഷൊയ്ബ് മാലിക് വീണ്ടും വിവാഹിതനായിരിക്കുകയാണ്. പാക്കിസ്ഥാനി നടി സന ജാവേദ് ആണ് വധു. വിവാഹ ചടങ്ങിൽ നിന്നുള്ള ഫോട്ടോകൾ ഷൊയ്ബ് സമൂഹമാധ്യമങ്ങളിൽ ഷെയർ ചെയ്തു. സന ജാവേദ് തന്റെ ഇൻസ്റ്റാഗ്രാം അക്കൗണ്ടിന്റെ ബയോയിൽ പേര് മാറ്റി, സന ഷോയിബ് മാലിക് എന്ന് കൂട്ടിച്ചേർത്തിട്ടുണ്ട്.
ഷൊയ്ബ് മാലിക്കും സന ജാവേദും ഡേറ്റിംഗിലാണെന്ന് മുൻപു തന്നെ ഗോസിപ്പുകൾ ഉയർന്നിരുന്നു. കഴിഞ്ഞ വർഷം സനയുടെ ജന്മദിനത്തിൽ ഷൊയ്ബ് സനയ്ക്ക് ആശംസകൾ നേർന്നതാണ് അഭ്യൂഹങ്ങൾക്ക് തുടക്കമിട്ടത്.
2010ല്‍ വിവാഹിതരായ സാനിയയും ഷൊയ്ബും തമ്മിലുള്ള അസ്വാരസ്യങ്ങൾ 2022 മുതൽ തന്നെ വാർത്തകളിൽ ഇടംപിടിച്ചിരുന്നെങ്കിലും ഇരുവരും സ്വകാര്യ ജീവിതത്തെക്കുറിച്ച് തുറന്നു പറച്ചിലുകളൊന്നും നടത്തിയിരുന്നില്ല. 2023 ഫെബ്രുവരിയിലാണ് നീണ്ട 20 വര്‍ഷക്കാലത്തെ ടെന്നീസ് കരിയര്‍ സാനിയ അവസാനിപ്പിച്ചത്. ഇതിന് ശേഷം സാനിയ ഇന്‍സ്റ്റഗ്രാമില്‍ പങ്കുവെച്ച പല പോസ്റ്റുകളും വേര്‍പിരിയലിന്റെ സൂചന നല്‍കുന്നതായിരുന്നു.
/indian-express-malayalam/media/media_files/jl8ubGxs0dAG5AMgNGYh.jpg)
ബുധനാഴ്ച സാനിയ മിർസ ഇൻസ്റ്റഗ്രാമിൽ പങ്കുവച്ച നിഗൂഢമായ പോസ്റ്റും ഷോയിബ് മാലിക്കുമായുള്ള വിവാഹമോചനത്തെക്കുറിച്ചുള്ള അഭ്യൂഹങ്ങൾ പരക്കാൻ കാരണമായിരുന്നു.
“വിവാഹം കഠിനമാണ്, വിവാഹമോചനവും. നിങ്ങളുടേത് തിരഞ്ഞെടുക്കുക. ജീവിതം ഒരിക്കലും എളുപ്പമല്ല. അതെപ്പോഴും കഠിനമാണ്. എന്നാല്‍ നമുക്ക് എന്ത് വേണമെന്ന് തിരഞ്ഞെടുക്കാന്‍ അവസരമുണ്ട്. വിവേകത്തോടെ തിരഞ്ഞെടുക്കാം,” ഇങ്ങനെയാണ് സാനിയയുടെ സ്‌റ്റോറി അവസാനിക്കുന്നത്.
ഷൊയ്ബ് മാലിക്കും സാനിയ മിർസയും 2010ൽ ഹൈദരാബാദിൽ വച്ച ചടങ്ങിലാണ് വിവാഹിതയായത്. പിന്നീട് പാകിസ്ഥാനിലെ സിയാൽകോട്ടിൽ വാലിമ ചടങ്ങും നടന്നിരുന്നു. ഇരുവർക്കും ഇസാൻ എന്നൊരു മകനുണ്ട്. 2018ലായിരുന്നു ഇസാന്റെ ജനനം.
Read More
- കല്യാണത്തലേന്ന് ക്രഷിന്റെ ആശംസ തേടിയെത്തിയപ്പോൾ; വീഡിയോ
- മമ്മൂട്ടിയും ചാക്കോച്ചനും ടൊവിനോയും മുതൽ മീന വരെ; ഭാഗ്യ സുരേഷ് വിവാഹ റിസപ്ഷനിൽ തിളങ്ങി താരങ്ങൾ
- New OTT Release: ഒടിടിയിൽ സിനിമകളുടെ പൂക്കാലം: ജനുവരിയിൽ എത്തുന്നത് 10 ചിത്രങ്ങൾ
- മലൈക്കോട്ടൈ എവിടെയാണ് എന്നറിയാമോ?
- ഗേറ്റ് എവിടെക്കണ്ടാലും ആടിക്കോണം, പ്രായമൊന്നും നോക്കരുതെന്ന് അംബിക; വീഡിയോ
