ഗോൾവേട്ട തുടർന്ന് റൊണാൾഡോ, പിന്നാലെ അതിമനോഹരമായൊരു അസിസ്റ്റും

കഴുത്തിനേറ്റ പരിക്കിൽ നിന്ന് പൂർണ മോചിതനായി ക്രിസ്റ്റ്യാനോ റൊണാൾഡോ തിരിച്ചെത്തിയ മത്സരത്തിൽ ഗോൾമഴ പെയ്യിച്ച് സൌദി ലീഗിലെ വമ്പന്മാരായ അൽ നസർ. സൗദി പ്രോ ലീഗിൽ ഒന്നിനെതിരെ നാല് ഗോളുകൾക്ക് അൽ റിയാദിനെയാണ് അവർ തോൽപ്പിച്ചത്.

റൊണാൾഡോയെ ഇറക്കിയിട്ടും അൽ ഹിലാലിനോട് 3-0ന് തോറ്റ അൽ നസറിന്, ഇന്നലെ വീണ്ടും വിജയവഴിയിൽ തിരിച്ചെത്താൻ കഴിഞ്ഞു. ഒരു ഗോളും ഒരു അസിസ്റ്റും നേടിയ ക്രിസ്റ്റ്യാനോയും, ഇരട്ട ഗോളുകൾ നേടിയ ടലിസ്കയുമാണ് അൽ നസറിന് തകർപ്പൻ ജയം സമ്മാനിച്ചത്.

Otávio scores & Ronaldo assists 🤝🤩 pic.twitter.com/2rCX9iq2bP
— AlNassr FC (@AlNassrFC_EN) December 8, 2023

ശേഷിച്ച ഒരു ഗോൾ ഒക്ടോവിയോയുടെ വകയായിരുന്നു. ഈ ഹെഡ്ഡർ ഗോളിനാണ് ക്രിസ്റ്റ്യാനോ അസിസ്റ്റ് നൽകിയത്. 6 റൗണ്ട് മത്സരങ്ങൾ പൂര്‍ത്തിയായപ്പോൾ 37 പോയിന്റുമായി ലീഗിൽ രണ്ടാമതാണ് അൽ നസർ‍. 44 പോയിന്‍റുള്ള അൽ ഹിലാലാണ് സൗദി പ്രോ ലീഗിൽ ഒന്നാമത്.

Rocking out new Kit, the 🐐 way! pic.twitter.com/gjCiUb6uiw
— AlNassr FC (@AlNassrFC_EN) December 8, 2023

ഇന്നലെ മത്സരത്തിന്റെ 31ാം മിനിറ്റിൽ റൊണാൾഡോയാണ് ഗോൾവേട്ടയ്ക്ക് തുടക്കമിട്ടത്. സാദിയോ മാനെയുടെ പാസിൽ നിന്നും ബാക്ക് ഹീൽ ഷോട്ടിലൂടെയാണ് ക്രിസ്റ്റ്യാനോ വലകുലുക്കിയത്. ആദ്യ പകുതിയുടെ ഇഞ്ചുറി ടൈമിൽ (45+3) വീണ്ടും റൊണോയുടെ മുന്നേറ്റം എതിർ ഗോൾമുഖം വിറപ്പിച്ചു.

Yeah.. it’s Spark 😎💛 pic.twitter.com/5hTrxMMsw4
— AlNassr FC (@AlNassrFC_EN) December 8, 2023

വലതു വിങ്ങിലൂടെ ഒറ്റയ്ക്ക് നടത്തിയൊരു നീക്കത്തിനൊടുവിൽ ഡിഫൻഡർമാരെ കബളിപ്പിച്ച് നൽകിയ പാസിൽ നിന്ന് മിഡ് ഫീൽഡർ ഒക്ടാവിയോ ചാടിയുയർന്ന് ഹെഡ്ഡ് ചെയ്ത് ഗോളാക്കി. രണ്ടാം പകുതിയുടെ 67, 90+4 മിനിറ്റുകളിലാണ് ബ്രസീലിയൻ ഫോർവേഡ് ടലിസ്ക അൽ നസറിന്റെ സ്കോർ ഉയർത്തിയത്.