സച്ചിൻ ടെണ്ടുൽക്കറുടെ 49 ഏകദിന സെഞ്ചുറികൾ എന്ന റെക്കോര്ഡ് മറികടന്ന വേളയില് വിരാട് കോഹ്ലി തന്റെ ഹെൽമറ്റ് ഊരി, സ്റ്റാൻഡിൽ ഇരുന്ന തന്റെ ആരാധനാപാത്രത്തെ വണങ്ങി. പിന്നെ ഭാര്യ അനുഷ്ക ശർമ്മയ്ക്ക് ഫ്ലയിംഗ് കിസ്സ് നല്കി.
“ഞാൻ പറഞ്ഞതു പോലെ സ്വപ്നങ്ങസമാനമാണ് ഇത്. അനുഷ്ക അവിടെയുണ്ട്, സച്ചിൻ പാജിയും ഉണ്ടായിരുന്നു. ഇത് എനിക്ക് വിശദീകരിക്കാൻ ബുദ്ധിമുട്ടാണ്. എന്റെ ജീവതത്തിന്റെ ഒരു പെർഫെക്റ്റ് ചിത്രം വരയ്ക്കാൻ കഴിയുമെങ്കിൽ ഇത് ആ ചിത്രമാകണമെന്ന് ഞാൻ ആഗ്രഹിക്കുന്നു. എന്റെ ജീവിതപങ്കാളി, ഞാൻ ഏറ്റവും സ്നേഹിക്കുന്ന ആൾ അവിടെ ഇരിക്കുന്നു, എന്റെ നായകൻ അവിടെ ഇരിക്കുന്നു, അവരുടെ എല്ലാവരുടെയും മുന്നിൽ 50-ാം സ്ഥാനം നേടാൻ എനിക്ക് കഴിഞ്ഞു, വാംഖഡെ എന്ന ചരിത്രവേദി… എല്ലാം അതിശയകരമായിരുന്നു,” ചരിത്ര നേട്ടത്തിന് ശേഷമുള്ള ആഘോഷത്തെ കുറിച്ച് ചോദിച്ചപ്പോൾ കോഹ്ലി പറഞ്ഞു.
ടീമിനെ വിജയിപ്പിക്കുക എന്നതാണ് ഏറ്റവും പ്രധാനപ്പെട്ട കാര്യം
ഒരു ലോകകപ്പ് നോക്കൗട്ട് മത്സരത്തില് കോഹ്ലി 50-ഓ അതിലധികമോ റൺസ് നേടുന്നതും ലോകകപ്പിൽ 673 റൺസ് നേടി മറ്റൊരു സച്ചിൻ റെക്കോര്ഡ് മറികടക്കുന്നതും ഇതാദ്യമാണ്.
“എന്റെ ടീമിനെ വിജയിപ്പിക്കുക എന്നതാണ് ഏറ്റവും പ്രധാനപ്പെട്ട കാര്യം, അതിനായി എന്ത് വേണമെങ്കിലും ചെയ്യാൻ ഞാൻ തയ്യാറാണ്. സിംഗിൾസും ഡബിൾസും ഓടുക, ബൗണ്ടറികൾ അടിക്കുക… ടീം ഞാൻ എന്ത് ചെയ്യണമെന്ന് ആഗ്രഹിക്കുന്നുവോ അത്. ഈ ടൂർണമെന്റിൽ എനിക്ക് ഒരു റോൾ ലഭിച്ചു, എന്റെ കഴിവിന്റെ പരമാവധി അത് ചെയ്യാന് ഞാൻ ശ്രമിക്കുന്നു – ദീർഘനേരം ബാറ്റ് ചെയ്യാൻ ശ്രമിക്കുക, അതു വഴി എന്റെ ചുറ്റുമുള്ള ആളുകൾക്ക് ആത്മവിശ്വാസം നൽകാനും കഴിയും,” അദ്ദേഹം കൂട്ടിച്ചേർത്തു.
Read Here
