മെൽബൺ : ഒരിക്കലും ഉണ്ടായിട്ടില്ലാത്ത ഒരു സംഗീത പരിപാടിക്ക് മെൽബണിലെ സംഗീത പ്രേമികൾ ആവേശത്തോടെ തയ്യാറെടുക്കുന്നു. മെൽബൺ മലയാളികൾക്ക് സുപരിചിതമായ Springvale City Hall -ൽ ആണ് ഈ കലാനിശ അരങ്ങേറുന്നത്. നവംബർ 12 ഞായറാഴ്ച വൈകുന്നേരം 05:00 മണി മുതൽ രാത്രി 09:00 മണിവരെ ഒരുങ്ങുന്ന സംഗീത നിശ നയിക്കുന്നത് മലയാളത്തിലെ പ്രശസ്ത പിന്നണിഗായകൻ എം.ജി ശ്രീകുമാറും സംഘവുമാണ് . തൻ്റെ പ്രശസ്ത ഗാനങ്ങളുടെ ആലാപന സമയത്ത് ഉണ്ടായ രസകരമായ സംഭവങ്ങളുടെ ഓർമ്മ പുതുക്കൽ കാണികളുമായി സംവദിക്കുന്ന ഒരു സ്പെഷ്യൽ ഷോ ആയിരിക്കും ഓസ്‌ട്രേലിയൻ പര്യടനത്തിലുടനീളം കാഴ്ചവക്കുന്നതെന്ന് ‘ശ്രീകുട്ടൻ’ എന്ന് ഏറെ അടുപ്പമുള്ളവർ വിളിക്കുന്ന എംജി ശ്രീകുമാർ സംഘാടകരോട് പറഞ്ഞു. കലാ നിശക്ക് മാറ്റ് കൂട്ടുവാൻ ഈ വർഷത്തെ മികച്ച ഗായികക്കുള്ള അവാർഡ് കരസ്‌ഥമാക്കിയ മൃദുല വാര്യരും; പ്രശസ്ത സിനിമാ നടിയും,ഗായികയുമായ ഭാമയും; റിയാലിറ്റി ഷോയിലൂടെ പ്രശസ്തയായ അഞ്ചു ജോസഫും, അടിപൊളി പാട്ടുകളുടെ രാജകുമാരൻ റഹ്മാനും , കീബോർഡിൽ വിസ്മയങ്ങൾ തീർക്കുന്ന അനൂപ് കോവളവും ഈ ഷോ ഒരു ഗംഭീര വിജയമാക്കാൻ ഒപ്പമുണ്ട്.
4 മണിക്കൂർ നീളുന്ന ശ്രീരാഗോത്സവം, ആഘോഷമാക്കാൻ മെൽബണിലെ പ്രശസ്ത നൃത്ത ഗ്രൂപ്പുകളും അണിചേരുന്നു ..അവിടെ ഗാനമേള ! ഇവിടെ ഡാൻസ് എന്നാണ് ലൈൻ.
എന്നാൽ പിന്നെ ഇത്രനേരം വിശന്നിരിക്കാൻ കാണികൾക്കാകില്ല എന്നറിയാവുന്നത് കൊണ്ട് , ഭക്ഷണപ്രേമികളേ! ഇതിലേ , ഇതിലേ എന്നാ ശൈലിയുമായി കേരളതനിമയിലൂന്നിയ രുചികരമായ ഭക്ഷണങ്ങളുമായി ഫുഡ് കൗണ്ടറും ഉണ്ടായിരിക്കുന്നതാണെന്ന് MAV ഭാരവാഹികൾ അറിയിച്ചു.
വിക്ടോറിയയിലെ മലയാളി അസോസിയേഷന് 2023 മെൽബണിലെ ശ്രീരാഗോത്സവത്തിന്റെ ഔദ്യോഗിക ഇവന്റ് ക്യാറ്ററർ RiceNGrills ആയിരിക്കും.
മെൽബൺ മലയാളികളുടെ രുചിക്കും, വൈവിധ്യത്തിനും ഇണങ്ങുന്ന ഭക്ഷണങ്ങൾ ഒരുക്കുവാൻ പേരുകേട്ട കാറ്ററിങ് കമ്പനിയാണ് RiceNGrills
” പരമ്പരാഗത വിഭവങ്ങളിൽ നിന്ന് ആധുനിക വിഭവങ്ങളിലേക്ക് കൂടുമാറി, നിങ്ങളുടെ രുചിമുകുളങ്ങളെ ആകർഷിക്കുന്ന ഒരു വിസ്മയം ഞങ്ങൾക്കുണ്ട്. നിങ്ങൾക്ക് നഷ്ടമാകാൻ ആഗ്രഹിക്കാത്ത രുചികരമായ വിരുന്നിനായി ഞങ്ങളോടൊപ്പം ചേരുക! ഈ വർഷത്തെ ശ്രീരാഗോത്സവം നിങ്ങളുടെ മറക്കാനാവാത്ത രുചി അനുഭവമാക്കാൻ ഞങ്ങൾ മികച്ച പാചക വിഭവങ്ങൾ കൊണ്ടുവന്ന് അതിശയിപ്പിക്കും” – RiceNGrills മാനേജ്മെന്റ് പ്രസ്താവിച്ചു
കൗണ്ട്ഡൗൺ: ശേഷിക്കുന്നത് കുറച്ച് ദിവസം മാത്രം!
മലയാളി അസോസിയേഷൻ ഓഫ് വിക്ടോറിയയും, ഫ്ലൈവേൾഡ് മൈഗ്രേഷൻ ആൻഡ് ലീഗൽ സർവീസ്, ഏഷ്യ ട്രാവെൽസ് എന്നിവയുടെ സഹകരണത്തോടെ അവതരിപ്പിക്കുന്ന ‘ശ്രീരാഗോത്സവം 2023’ എന്ന അതിശയകരവും മനോഹരവും ആകർഷകവും കണ്ണഞ്ചിപ്പിക്കുന്നതുമായ സ്റ്റേജ് ഇവന്റിനുള്ള ടിക്കറ്റുകൾ വേഗത്തിൽ വിറ്റുപോകുന്നു എന്നാണ് റിപ്പോർട്ടുകൾ .നിങ്ങളുടെ ഇഷ്ടപ്പെട്ട സീറ്റ് ഉറപ്പിക്കാൻ ഇന്ന് തന്നെ ടിക്കറ്റ് ബുക്ക് ചെയ്യുക!
Booking Link : *https://www.trybooking.com/CKSIU *
തീയതി : നവംബർ 12 ഞായറാഴ്ച
സമയം : വൈകുന്നേരം 05:00 മണി മുതൽ രാത്രി 09:00 മണിവരെ
സ്‌ഥലം : സ്പ്രിങ് വെയിൽ ടൌൺ ഹാൾ
Address : 397 Springvale Rd, Springvale VIC 3171
Booking Link : *https://www.trybooking.com/CKSIU *
