തൃശൂർ
സംസ്ഥാന സ്കൂൾ കായികോത്സവത്തിന്റെ വരവറിയിച്ചുള്ള ദീപശിഖ തിങ്കളാഴ്ച പ്രയാണം നടത്തും. രാവിലെ തൃശൂർ തേക്കിൻകാട് മൈതാനത്തുനിന്ന് ആരംഭിച്ച് വൈകിട്ട് മത്സരവേദിയായ കുന്നംകുളത്ത് അവസാനിക്കും. അന്നേദിവസം അത്ലീറ്റുകളുടെ രജിസ്ട്രേഷനും നടക്കും. 17 മുതൽ 20 വരെ കുന്നംകുളം ഗവ. വൊക്കേഷണൽ ഹയർ സെക്കൻഡറി സ്കൂൾ സിന്തറ്റിക് ട്രാക്ക് സ്റ്റേഡിയത്തിലാണ് മത്സരങ്ങൾ.
ചൊവ്വ രാവിലെ ഏഴിന് മത്സരങ്ങൾക്ക് തുടക്കമാകും. രാവിലെ ഒമ്പതിന് പൊതുവിദ്യാഭ്യാസ ഡയറക്ടർ എസ് ഷാനവാസ് പതാക ഉയർത്തും. പകൽ 3.30ന് വിദ്യാഭ്യാസമന്ത്രി വി ശിവൻകുട്ടി ഉദ്ഘാടനം ചെയ്യും.
ആറ് വിഭാഗങ്ങളിലായി മൂവായിരത്തോളം അത്ലീറ്റുകൾ 98 ഇനങ്ങളിൽ മത്സരിക്കും.
