സംസ്ഥാന കായികോത്സവം ; ആദ്യദിനം 21 ഫൈനൽ

തൃശൂർ
കുന്നംകുളം സിന്തറ്റിക് ട്രാക്ക് മൈതാനത്ത് നടക്കുന്ന സംസ്ഥാന സ്കൂൾ കായികോത്സവത്തിന്റെ ആദ്യദിനം 21 ഇനങ്ങളിൽ ഫൈനൽ നടക്കും. ജൂനിയർ 3000 മീറ്റർ ഓട്ടത്തോടെയാണ് തുടക്കം. തിങ്കളാഴ്ച രജിസ്ട്രേഷൻമാത്രമേയുള്ളൂ. ചൊവ്വ രാവിലെ ഏഴുമുതലാണ് മത്സരം. 20ന് അവസാനിക്കും. മത്സരങ്ങൾ രാവിലെ ഏഴുമുതൽ 11 വരെയും പകൽ 3.30 മുതൽ രാത്രി എട്ടുവരെയുമാണ്. 98 ഇനങ്ങളിൽ മൂവായിരത്തോളം അത്ലീറ്റുകൾ അണിനിരക്കും.