കോലഞ്ചേരി
കൊച്ചി സഹോദയ സിബിഎസ്ഇ സ്കൂൾ കലോത്സവം സ്റ്റേജിനങ്ങൾ കടയിരുപ്പ് സെന്റ് പീറ്റേഴ്സ് സീനിയർ സെക്കൻഡറി സ്കൂളിൽ തുടങ്ങി. സിനിമാതാരം ബിബിൻ ജോർജ് ഉദ്ഘാടനം ചെയ്തു.
സഹോദയ പ്രസിഡന്റ് അരവിന്ദ് ലക്ഷ്മണൻ അധ്യക്ഷനായി. സിന്തൈറ്റ് കമ്പനി ഡയറക്ടർ സെന്റ് അജു ജേക്കബ്, സെക്രട്ടറി ജി ജി രാജലക്ഷ്മി, സോണിയ സൂസൻ വർക്കി, ശ്രീകല കരുണാകരൻ എന്നിവർ സംസാരിച്ചു. 58 സ്കൂളുകളിൽനിന്നായി നാലായിരത്തിലേറെ കുട്ടികൾ മൂന്ന് ദിവസത്തെ കലോത്സവത്തിൽ മത്സരിക്കും.
