ഷൈൻ ഹീറോയാടാ ഹീറോ ; ഭീമൻ രാജവെമ്പാലയെ കൂടയിലാക്കി

അടിമാലി
ഇരുമ്പുപാലം പരിശക്കല്ലിൽ 15 അടിയോളം നീളവും 40 കിലോ തൂക്കവുമുള്ള ഭീമാകാരനായ രാജവെമ്പാലയെ പിടികൂടി. വനംവാച്ചറും പാമ്പുപിടുത്ത വിദഗ്ധനുമായ ഷെെൻ ആണ് പാമ്പിനെ കൂടയിലാക്കിയത്. ഉരുളൻതണ്ണി ഫോറസ്റ്റ് സ്റ്റേഷനിലെ ഷൈൻ പിടികൂടുന്ന 48–-ാ മത് രാജവെമ്പാലയാണ് പരിശക്കല്ലിലേത്. പരിശക്കല്ല് സ്വദേശി കുട്ടപ്പന്റെ വീടിനുള്ളിലെ അടുക്കള ചാർത്തിലാണ് ശനി രാത്രി എട്ടോടെ രാജവെമ്പാലയെ കണ്ടത്. ഉടൻ വനപാലകരെ വിവരമറിയിച്ചു. സ്ഥലത്തെത്തിയ ഷൈനും സംഘവും രാത്രി പതിനൊന്നോടെയാണ് പാമ്പിനെ പിടികൂടിയത്. പിന്നീട് വനത്തിൽ തുറന്നുവിട്ടു.