സിക്കിം മിന്നല്‍ പ്രളയം: 55 മരണം; 141 പേര്‍ക്കായി തിരച്ചില്‍ തുടരുന്നു ​

ഗ്യാങ്ടോക്> സിക്കിം മിന്നല് പ്രളയത്തില് മരിച്ചവരുടെ എണ്ണം 55 ആയി. കാണാതായ 141 പേര്ക്കായി തിരച്ചില് തുടരുകയാണ്. 14 സൈനികരെ ഇനിയും കണ്ടെത്താനുണ്ട്. 27 മൃതദേഹം സിക്കിമില്നിന്നും ബാക്കിയുള്ളവ പശ്ചിമ ബം​ഗാളിലെ ടീസ്ത നദീതടത്തുനിന്നുമാണ് കണ്ടെത്തിയത്. 2413 പേരെ ഇതുവരെ രക്ഷപ്പെടുത്തി. 25,065 ദുരന്തബാധിതരില് 6875 പേരെ ദുരിതാശ്വാസ ക്യാമ്പുകളിലേക്ക് മാറ്റി. നിലവിലെ സ്ഥിതി​ഗതികള് വിലയിരുത്താന് ആഭ്യന്തരമന്ത്രി അജയ് കുമാര് മിശ്ര മുഖ്യമന്ത്രി പ്രേംസിങ് തമാങ്ങുമായി ഞായര് രാവിലെ കൂടിക്കാഴ്ച നടത്തി.