സമസ്ത നേതാക്കളെ അധിക്ഷേപിച്ച്‌ കെ എം ഷാജി

കോഴിക്കോട്> മുഖ്യമന്ത്രിയെ കാണുമ്പോൾ കവാത്ത് മറക്കുന്നവരെന്ന് സമസ്തയെ അധിക്ഷേപിച്ച് മുസ്ലിംലീഗ് സംസ്ഥാന സെക്രട്ടറി കെ എം ഷാജി. ലീഗിന്റെ പൊതുയോഗങ്ങളിലായിരുന്നു സമസ്തയെയും നേതാക്കളെയും പരിഹസിച്ചും ആക്ഷേപിച്ചുമുള്ള ഷാജിയുടെ പരാമർശങ്ങൾ. ‘‘ചിലർക്കൊക്കെ കണ്ടിട്ടില്ലെങ്കിൽ ഉറക്കം വരുന്നില്ലെങ്കിൽ ദിക്റും സ്വലാതും ചൊല്ലി കൊണ്ടുവന്ന് ആനയിച്ചോ. മുഖ്യമന്ത്രി മിനിഞ്ഞാന്നെന്നെ വിളിച്ച് ലോഗ്യം ചോദിച്ചിനെന്ന് പറയും. മുഖ്യമന്ത്രിയെ കാണുമ്പോൾ നിങ്ങൾ കവാത്ത് മറക്കും. മുഖ്യമന്ത്രിയെ കൊണ്ടുവന്ന് അവർകളേ, ഇവർകളേ എന്ന് നിങ്ങൾ പറയും’’–- എന്നൊക്കെയായിരുന്നു ഷാജിയുടെ പരിഹാസം.