ബംഗളൂരു > കർണാടകത്തിൽ പടക്കകടയ്ക്ക് തീപിടിച്ച് 11 പേർ മരിച്ചു. കർണാടക-തമിഴ്നാട് അതിർത്തിപ്രദേശമായ അത്തിബെല്ലയിൽ വൈകിട്ട് 4.30ഓടെയായിരുന്നു അപകടം നടന്നത്.
കടയിൽ ലോഡ് ഇറക്കുന്നതിനിടെ ഒരു പെട്ടിയിലുണ്ടായിരുന്ന പടക്കങ്ങൾക്ക് തീ പിടിക്കുകയായിരുന്നു. തുടർന്നുണ്ടായ സ്ഫോടനത്തിൽ കട പൂർണമായും തകർന്നു. ഗോഡൗണിൽ സൂക്ഷിച്ചിരുന്ന ലക്ഷങ്ങൾ വിലമതിക്കുന്ന പടക്കങ്ങൾ തീപിടിത്തത്തിൽ പൊട്ടിത്തെറിച്ചു. കടകൾക്ക് മുന്നിൽ നിർത്തിയിട്ടിരുന്ന വാഹനങ്ങളും കത്തിനശിച്ചു. എട്ടോളം പേർക്ക് ഗുരുതരമായി പരിക്കേറ്റിട്ടുണ്ട്.
#WATCH | Karnataka: Fire broke out at a firecracker shop in Attibele. Several fire tenders were present at the spot. Further details awaited. pic.twitter.com/HcAzWItPVZ
— ANI (@ANI) October 7, 2023
