ആറുവയസുകാരിയെ ബലാത്സം​ഗം ചെയ്‌ത പിതാവിന് 10 വർഷം തടവ്

ന്യൂഡൽഹി > ആറുവയസുകാരിയായ മകളെ ലൈം​ഗികമായി പീഡിപ്പിക്കുകയും ഭീഷണിപ്പെടുത്തുകയും ചെയ്ത പിതാവിന് 10 വർഷം കഠിനതടവ്. താനെ പ്രത്യേക കോടതിയാണ് വിധി പ്രസ്താവിച്ചത്. പോക്സോ നിയമപ്രകാരമാണ് ഇയാൾക്കെതിരെ കേസെടുത്തിരിക്കുന്നത്. 9000 രൂപ കോടതി ചുമത്തിയിട്ടുണ്ട്. 2017 ഡിസംബറിലായിരുന്നു സംഭവം. ആറുവയസുകാരിയെ ഇയാൾ ബലാത്സം​ഗം ചെയ്യുകയും സംഭവത്തെക്കുറിച്ച് പുറത്ത് പറയരുതെന്ന് ഭീഷണിപ്പെടുത്തുകയമായിരുന്നു. വിവരമറിഞ്ഞ കുട്ടിയുടെ അമ്മ നൽകിയ പരാതിയിലാണ് ഇയാൾക്കെതിരെ കേസെടുത്തത്.