രാഹുലിനെ രാവണനാക്കിയ സംഭവം ; മാർച്ചിനിടെ പോർവിളിയുമായി കോൺഗ്രസും ബിജെപിയും

ആലപ്പുഴ
രാഹുൽ ഗാന്ധിയെ രാവണനായി ചിത്രീകരിക്കുന്ന പോസ്റ്റർ നവമാധ്യമങ്ങളിൽ പ്രചരിപ്പിച്ച ബിജെപി നടപടിക്കെതിരെ ആലപ്പുഴയിൽ കോൺഗ്രസ് നടത്തിയ പ്രകടനത്തിനിടെ സംഘർഷവും പോർവിളിയും. കഴിഞ്ഞദിവസം രാഹുലിനെ രാവണനായി ചിത്രീകരിക്കുന്ന പോസ്റ്റർ ബിജെപി പ്രചരിപ്പിച്ചിരുന്നു. ഇതിൽ പ്രതിഷേധിച്ച് ബിജെപി ജില്ലാ കമ്മിറ്റി ഓഫീസിലേക്ക് വെള്ളിയാഴ്ച കോൺഗ്രസ് നടത്തിയ മാർച്ച് പഴവങ്ങാടി – ബോട്ട് ജെട്ടി റോഡിൽ പൊലീസ് തടഞ്ഞു. ഇതേസമയം, ജില്ലാ പ്രസിഡന്റ് എം ജെ ഗോപകുമാറിന്റെ നേതൃത്വത്തിൽ പ്രകോപനമുദ്രാവാക്യങ്ങളുമായി പ്രതിഷേധക്കാർക്കു നേരെ ബിജെപി പ്രവർത്തകരും സംഘടിച്ചെത്തി. നേർക്കുനേർ നിരന്നതോടെ ഒരുമണിക്കൂറോളം റോഡ് ഇരുവിഭാഗങ്ങളുടെയും പോർക്കളമായി. സമരക്കാരുടെ അടുത്തേക്ക് പോകാൻ പൊലീസ് അനുവദിക്കാത്തതിൽ പ്രതിഷേധിച്ച് ഡിസിസി ഓഫീസിലേക്ക് മാർച്ച് നടത്താൻ ബിജെപിക്കാർ ശ്രമിച്ചെങ്കിലും പൊലീസ് ഇരുകൂട്ടരെയും മടക്കിയയച്ചു.