കുന്നംകുളം
സംസ്ഥാന സ്കൂൾ കായികമേളയ്ക്ക് മുന്നോടിയായി കുന്നംകുളം സീനിയർ മൈതാനത്ത് പന്തലിന് കാൽനാട്ടി. 20 വര്ഷത്തെ ഇടവേളയ്ക്കുശേഷം ജില്ല ആതിഥ്യമരുളുന്ന സംസ്ഥാന സ്കൂള് കായികമേളയ്ക്ക് കുന്നംകുളം ഒരുങ്ങിക്കഴിഞ്ഞു. സ്വാഗതസംഘം ചെയർമാൻ എ സി മൊയ്തീൻ എംഎൽഎ പന്തലിന് കാൽ നാട്ടി. ഗവ. മോഡൽ ബോയ്സ് ഹയർ സെക്കൻഡറി സ്കൂൾ സീനിയർ മൈതാനം സിന്തറ്റിക്ക് ട്രാക്കിൽ 16മുതൽ 20വരെയാണ് 65–-ാമത് സംസ്ഥാന കായികോത്സവം.
അഞ്ചു ദിവസങ്ങളിലായി നടക്കുന്ന കായികമേളയിൽ 98 ഇനങ്ങളിലാണ് മത്സരം മൂവായിരത്തിൽപ്പരം കൗമാരപ്രതിഭകൾ പങ്കെടുക്കും. കാൽനാട്ട് ചടങ്ങിൽ ജില്ലാ പഞ്ചായത്ത് അംഗം എ വി വല്ലഭൻ, കുന്നംകുളം മുനിസിപ്പൽ വൈസ് ചെയർപേഴ്സൺ സൗമ്യ അനിലൻ, പൊതുവിദ്യാഭ്യാസ ഉപഡയറക്ടർ ഷാജിമോൻ, സംസ്ഥാന സ്പോർട്സ് ഓർഗനൈസർ ഹരീഷ് ശങ്കർ എന്നിവർ സംസാരിച്ചു.
