തിരുവനന്തപുരം > വ്യവസായ വകുപ്പിന്റെ അച്ചടിമാധ്യമ പുരസ്കാരം ദേശാഭിമാനി സബ് എഡിറ്റർ എ സുൽഫിക്കറിന് ലഭിച്ചു. കേരള പേപ്പർ പ്രൊഡക്ട്സിനെക്കുറിച്ച് തയാറാക്കിയ ഫീനിക്സ് എന്ന റിപ്പോർട്ടിനാണ് അംഗീകാരം. വ്യവസായ മേഖലയെക്കുറിച്ചുള്ള മികച്ച റിപ്പോർട്ടിങ്ങിനായാണ് അച്ചടി – ദൃശ്യമാധ്യമ പുരസ്കാരങ്ങൾ നൽകുന്നത്. പൊതുമേഖലാ സ്ഥാപനങ്ങളുടെ പ്രവർത്തനം കൂടുതൽ മികവുറ്റതാക്കുന്നതിനായി ആവിഷ്കരിച്ച വിവിധ പദ്ധതികളുടെ ഭാഗമായാണ് അവാർഡുകൾ ഏർപ്പെടുത്തിയത്.
വ്യവസായ വകുപ്പ് ഡയറക്ടർ എസ് ഹരികിഷോർ, മീഡിയ അക്കാദമി ചെയർമാൻ ആർ എസ് ബാബു, ദി ഹിന്ദു ഡെപ്യൂട്ടി എഡിറ്റർ എ എം ജിഗീഷ് എന്നിവരടങ്ങിയ സമിതിയാണ് അവാർഡുകൾ നിശ്ചയിച്ചത്. 25000 രൂപയും പ്രശസ്തിഫലകവും അടങ്ങുന്നതാണ് പുരസ്കാരം
മറ്റ് മാധ്യമ പുരസ്കാരങ്ങൾ
അച്ചടി മാധ്യമം
1. എം ബി സന്തോഷ്- മെട്രോ വാർത്ത ( ദാക്ഷായണി ബിസ്കറ്റും സംരംഭക വർഷവും)
2. ആർ അശോക് കുമാർ – ബിസിനസ് പ്ലസ് (കേരളം നിക്ഷേപ സൗഹൃദമാണ്)
ദൃശ്യമാധ്യമം
1. ഡോ. ജി പ്രസാദ് കുമാർ- മാതൃഭൂമി ന്യൂസ് ( പവർ ടില്ലർ കയറ്റുമതിയെക്കുറിച്ചുള്ള റിപ്പോർട്ട്)
2. എസ് ശ്യാംകുമാർ – ഏഷ്യാനെറ്റ് ( കേരള പേപ്പർ പ്രൊഡക്ട്സിനെക്കുറിച്ചുള്ള റിപ്പോർട്ട്)
