കുവൈത്ത് സിറ്റി > എസ് എം സി എ കുവൈത്ത് അബ്ബാസിയ ഏരിയ സോൺ രണ്ടിന്റെ നേതൃത്വത്തിൽ “സോണോണം 2K23” ഓണാഘോഷം സംഘടിപ്പിച്ചു. അബ്ബാസിയ ഹെവൻ ഓഡിറ്റോറിയിത്തിൽ വെച്ച് നടന്ന ആഘോഷത്തിൽ നിരവധി കലാ കായിക പരിപാടികൾ നടന്നു.
അബ്ബാസിയ സൈന്റ് ഡാനിയേൽ കംബോണി ഇടവക വൈദീകർ ആയ ഫാ. പ്രകാശ് കാഞ്ഞിരത്തിങ്കൽ, ഫാ. ശ്രുതിൻ ദേവസ്യ എന്നിവർ ആശംസകൾ നേർന്നു സംസാരിച്ചു. പ്രോഗ്രാം കൺവീനർ മോനിച്ചൻ ജോസഫ്, സോണൽ കൺവീനർ രാജൻ ചാക്കോ, സോണൽ സെക്രട്ടറി ബിൻസൺ ജോസഫ്, സോണൽ ട്രെഷറർ ഡെന്നിസ് ജോയ് എന്നിവർ ആഘോഷങ്ങൾക്ക് നേതൃത്വം വഹിച്ചു.സോൺ രണ്ടിന്റെ കുടുംബാംഗങ്ങൾ, എസ് എം സി എ കേന്ദ്ര, ഏരിയ, മറ്റു സോണൽ ഭാരവാഹികൾ എന്നിവർ ഓണാഘോഷത്തിൽ പങ്കെടുത്തു.
