ഷിക്കാഗോ > ഫ്ളവേഴ്സ് ടിവി യുഎസ്എയുടെ ആറാം വാർഷിക ആഘോഷങ്ങളോടനുബന്ധിച്ചുള്ള മെഗാസ്റ്റാർ ഷോയുടെ ടിക്കറ്റ് കിക്ക് ഓഫ് നടന്നു. ഷിക്കാഗോ കലാക്ഷേത്രയുടെ ഓണാഘോഷ വേദിയിൽ വച്ചായിരുന്നു കിക്ക് ഓഫ്.
കലാക്ഷേത്രയുടെ ചെയർമാൻ അജികുമാർ ഭാസ്കരന് ഫ്ളവേഴ്സ് ടിവി യു.എസ്.എയുടെ ക്രിയേറ്റീവ് ഹെഡ് ബിജു സക്കറിയ ആദ്യ ടിക്കറ്റ് നൽകി കിക്ക് ഓഫ് നിർവഹിച്ചു. നേപ്പർ വിൽ യെല്ലോ ബോക്സ് തിയറ്ററിൽ സെപ്റ്റംബർ 30 ശനിയാഴ്ച വൈകിട്ട് 5മുതലാണ് വാർഷികവും മെഗാ താരനിശയും നടക്കുക. വാർഷിക ആഘോഷങ്ങൾക്കൊപ്പം അമേരിക്കയിൽ വിവിധ മേഖലകളിൽ നേട്ടങ്ങൾ കൈവരിച്ചവരെയും പുരസ്കാരങ്ങൾ നൽകി ആദരിക്കും.
നർത്തകിയും നടിയുമായ ആശ ശരത്, ചലച്ചിത്ര താരം അനു സിത്താര, നർത്തകൻ നീരവ് ബവ്ലേച്ച, ഗായകൻ ജാസി ഗിഫ്റ്റ്, ഗായിക മെറിൻ ഗ്രിഗറി, അനൂപ് കോവളം, ഫ്ളവേഴ്സ് ടിവി ടോപ്പ് സിങ്ങർ ഫെയിം ജെയ്ഡൻ, കലാഭവൻ സതീഷ്, വിനോദ് കുറിമാനൂർ, ഷാജി മാവേലിക്കര തുടങ്ങിയവർ പരിപാടിയിൽ പങ്കെടുക്കും. കൂടുതൽ വിവരങ്ങൾക്ക് – ബിജു സക്കറിയ (ഫ്ളവേഴ്സ് ടി.വി യു.എസ്.എ ക്രിയേറ്റീവ് ഹെഡ്) ഫോൺ: 847 630 6462
