കൊച്ചി> അധ്യാപകനും സാംസ്കാരികപ്രവർത്തകനുമായ ഇടപ്പള്ളി ചങ്ങമ്പുഴ സമാധി റോഡ് തേനേഴി പ്രൊഫ. ടി എം ശങ്കരൻ (78) അന്തരിച്ചു. സംസ്കാരം നടത്തി. പാലക്കാട് മണ്ണാർക്കാടിനടുത്ത് തേനേഴി ഇല്ലത്ത് ജനിച്ച ശങ്കരൻ കുസാറ്റ്, കുഫോസ് എന്നിവിടങ്ങളിൽ സ്റ്റാറ്റിസ്റ്റിക്സ് പ്രൊഫസറായി സേവനമനുഷ്ഠിച്ചിട്ടുണ്ട്.
ചങ്ങമ്പുഴ സാംസ്കാരിക കേന്ദ്രം വൈസ് പ്രസിഡന്റ്, ഇടപ്പള്ളി സഹകരണ ബാങ്ക് (328) പ്രസിഡന്റ്, ശാസ്ത്രസാഹിത്യ പരിക്ഷത്ത് ജില്ലാ പ്രസിഡന്റ്, പരിഷത്തിന്റെ ജനകീയ ഗവേഷണ സ്ഥാപനമായ ഇന്റഗ്രേറ്റഡ് റൂറൽ ടെക്നോളജി സെന്റർ (ഐആർടിസി) ഡയറക്ടർ തുടങ്ങിയ ചുമതലകൾ വഹിച്ചു. നിലവിൽ ഇടപ്പള്ളി ചങ്ങമ്പുഴ സ്മാരക ഗ്രന്ഥശാലാ പ്രസിഡന്റ്, ശാസ്ത്രസാഹിത്യ പരിഷത്ത് ഇടപ്പള്ളി സൗത്ത് യൂണിറ്റ് പ്രസിഡന്റ് എന്നീ നിലകളിൽ പ്രവർത്തിക്കുന്നു. സാംസ്കാരികപ്രവർത്തനങ്ങളിൽ സജീവസാന്നിധ്യമായിരുന്നു.
ഭാര്യ: എൽ എം രുക്മണി (റിട്ട. എക്സിക്യൂട്ടീവ് എൻജിനിയർ, പിഡബ്ല്യുഡി). മക്കൾ: പ്രമോദ് ശങ്കർ (ബിസിനസ്), സുമോദ് ശങ്കർ (ബംഗളൂരു). മരുമക്കൾ: ഇ എസ് അപർണ, ഒ എം അപർണ.
