ലണ്ടൻ
ഇംഗ്ലീഷ് പ്രീമിയർ ലീഗ് ഫുട്ബോളിൽ തുടർച്ചയായ മൂന്നാംജയത്തോടെ മാഞ്ചസ്റ്റർ സിറ്റി ഒന്നാമത്. ഷെഫീൽഡ് യുണൈറ്റഡിനെ 2–-1ന് മറികടന്നു. റോഡ്രിയാണ് വിജയഗോൾ നേടിയത്. എർലിങ് ഹാലണ്ടിലൂടെ ലീഡെടുത്ത സിറ്റിയെ ജെയ്ഡെൻ ബോഗ്ലെയിലൂടെ ഷെഫീൽഡ് ഒപ്പംപിടിച്ചിരുന്നു. എന്നാൽ, കളി തീരാൻ രണ്ട് മിനിറ്റ് ബാക്കിനിൽക്കേ റോഡ്രി വിജയഗോൾ നേടി. ആദ്യപകുതിയിൽ കിട്ടിയ പെനൽറ്റി ഹാലണ്ട് കളഞ്ഞിരുന്നു. പുറംവേദനയെ തുടർന്ന് ശസ്ത്രക്രിയക്ക് വിധേയനായ പരിശീലകൻ പെപ് ഗ്വാർഡിയോളയുടെ അഭാവത്തിലാണ് സിറ്റി ഇറങ്ങിയത്. മൂന്ന് കളിയിൽ ഒമ്പത് പോയിന്റാണ് നിലവിലെ ചാമ്പ്യൻമാർക്ക്.
മറ്റു മത്സരങ്ങളിൽ വെസ്റ്റ്ഹാം യുണൈറ്റഡ് ബ്രൈറ്റണെ 3–-1ന് തോൽപ്പിച്ചു. ആസ്റ്റൺ വില്ല ബേൺലിയെയും ഇതേ സ്കോറിന് വീഴ്ത്തി.
