ബുഡാപെസ്റ്റ്
ഇന്ത്യയുടെ മെഡൽ പ്രതീക്ഷയായ നീരജ് ചോപ്ര ഇന്നിറങ്ങും. പുരുഷന്മാരുടെ ജാവ്ലിൻ ത്രോ യോഗ്യതാറൗണ്ട് പകൽ 1.40ന് തുടങ്ങും. നീരജ് ഒളിമ്പിക്സ് ചാമ്പ്യനും ലോക ചാമ്പ്യൻഷിപ്പിലെ വെള്ളിമെഡൽ ജേതാവുമാണ്. ഡി പി മനുവും കിഷോർ ജെനയും മത്സരത്തിനുണ്ട്. ഫൈനൽ അവസാന ദിവസമായ ഞായറാഴ്ചയാണ്. ഫൈനലിലേക്ക് മുന്നേറാൻ 89.51 മീറ്റർ എറിയണം. വനിതകളുടെ 3000 മീറ്റർ സ്റ്റീപ്പിൾചേസിൽ പാരുൾ ചൗധരി ഫൈനലിൽ കടന്നിട്ടുണ്ട്. പുരുഷന്മാരുടെ 35 കിലോമീറ്റർ നടത്തത്തിൽ രാംബാബു 27–-ാംസ്ഥാനത്തായി. പുരുഷ ലോങ്ജമ്പ് ഫെെനലിനിറങ്ങിയ ജെസ്വിൻ ആൽഡ്രിന് 7.77 മീറ്ററേ ചാടാനായുള്ളു. ആദ്യ രണ്ട് ചാട്ടവും പിഴച്ചു.
200 മീറ്റർ ഫൈനലുകൾ ഇന്ന് രാത്രി 1.10നു തുടങ്ങും. വനിതകളുടെ ട്രിപ്പിൾജമ്പ്, ജാവ്ലിൻത്രോ ജേതാക്കളെയും ഇന്നറിയാം.
