അബുദാബി > അബുദാബി ശക്തി അവാർഡ് 2023 സ്വാഗത സംഘം രൂപീകരിച്ചു. പൊന്നാനി എ വി ഹൈസ്കൂൾ ഗ്രൗണ്ടിൽ ബുധാനാഴ്ച്ച വൈകീട്ട് നടന്ന ചടങ്ങിലാണ് സ്വാഗതസംഘം രൂപീകരിച്ചത്. അവാർഡ് കമ്മിറ്റി കൺവീനർ മൂസ മാസ്റ്ററുടെ അദ്ധ്യക്ഷതയിൽ ചേർന്ന യോഗം പുരോഗമന കലാ സാഹിത്യ സംഘം സംസ്ഥാന വൈസ് പ്രസിഡൻ്റ് പ്രൊഫ. എം എം നാരായണൻ ഉദ്ഘാടനം ചെയ്തു.
പൊന്നാനി നഗരസഭ ചെയർമാൻ ശിവദാസ് ആറ്റുപുറം, സിപിഐ എം മലപ്പുറം ജില്ലാ കമ്മിറ്റി അംഗം അഡ്വ. ഖലീമുദ്ദീൻ, അഡ്വ. അൻസാരി സൈനുദ്ദീൻ, വി പി കൃഷ്ണകുമാർ എന്നിവർ അഭിവാദ്യം ചെയ്തു സംസാരിച്ചു. പി നന്ദകുമാർ എംഎൽഎ ചെയർമാനും സിപിഐ എം മലപ്പുറം ജില്ലാ കമ്മിറ്റി അംഗം അഡ്വ. ഖലീമുദ്ദീൻ ജനറൽ കൺവീനറുമായുള്ള സ്വാഗതസംഘത്തിന് രൂപം നൽകി. ചടങ്ങിൽ സിപിഐ എം പൊന്നാനി ഏരിയ കമ്മിറ്റി അംഗം സി പി മുഹമ്മദ് കുഞ്ഞി സ്വാഗതവും ശക്തി ജനറൽ സെക്രട്ടറി സഫറുള്ള പാലപ്പെട്ടി നന്ദിയും പറഞ്ഞു.
