പുതുപ്പള്ളി ഉപതെരഞ്ഞെടുപ്പ്: കേന്ദ്ര തെരഞ്ഞെടുപ്പ്‌ കമ്മിറ്റി ഓഫീസ്‌ തുറന്നു; ചിട്ടയോടെ എൽഡിഎഫ്‌

കോട്ടയം> പുതുപ്പള്ളി മണ്ഡലത്തിലെ കേന്ദ്ര തെരഞ്ഞെടുപ്പ് കമ്മിറ്റി ഓഫീസ് തുറന്ന് ചിട്ടയായ പ്രവർത്തനങ്ങളുമായി എൽഡിഎഫ്. പാമ്പാടിയിൽ ദേശീയപാതയോരത്തെ പ്രത്യേക ഓഫീസ് കേരള കോൺഗ്രസ് എം ചെയർമാൻ ജോസ് കെ മാണി എംപി ഉദ്ഘാടനം ചെയ്തു. മന്ത്രി വി എൻ വാസവനും മറ്റ് എൽഡിഎഫ് നേതാക്കളും സംസാരിച്ചു.

തിങ്കളാഴ്ച വിവിധ മേഖലകളിലെ ജനവിഭാഗങ്ങളെ നേരിൽക്കണ്ട് എൽഡിഎഫ് സ്ഥാനാർഥി ജെയ്ക് സി തോമസ് വോട്ടഭ്യർഥിച്ചു. ജെയ്ക് സി തോമസ് 16 ന് രാവിലെ നാമനിർദേശ പത്രിക നൽകും. എൽഡിഎഫ് അസംബ്ലി മണ്ഡലം കൺവൻഷൻ വൈകിട്ട് നാലിന് സിപിഐ എം സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനം ചെയ്യും.