കൊച്ചി
സ്പെയ്നിൽ നടക്കുന്ന അണ്ടർ 20 പെൺകുട്ടികളുടെ വാട്ടർപോളോ ചാമ്പ്യൻഷിപ്പിനുള്ള ഇന്ത്യൻ ടീമിന്റെ പരിശീലകയായി ബിജി വർഗീസിനെ തെരഞ്ഞെടുത്തു. സുൽത്താൻ ബത്തേരി മൂലങ്കാവ് സ്വദേശിയായ ബിജി 2010 ഏഷ്യൻ ഗെയിംസിൽ ഇന്ത്യൻ ക്യാപ്റ്റനായിരുന്നു.
റാഞ്ചി ദേശീയ ഗെയിംസിൽ സ്വർണം നേടിയ കേരള വാട്ടർപോളോ ടീം ക്യാപ്റ്റനാണ്. ബത്തേരി ഗവ. ടെക്നിക്കൽ ഹൈസ്കൂൾ അധ്യാപികയാണ്. സെപ്തംബർ മൂന്നുമുതൽ 10 വരെയാണ് ലോക ചാമ്പ്യൻഷിപ്. ദേശീയ ക്യാമ്പിലെ 25 കളിക്കാരിൽ എട്ടുപേർ മലയാളികളാണ്.
