കൊളംബോ
പാകിസ്ഥാനെതിരായ രണ്ടാംക്രിക്കറ്റ് ടെസ്റ്റിൽ ശ്രീലങ്കയ്ക്ക് ബാറ്റിങ് തകർച്ച. ലങ്ക ഒന്നാംഇന്നിങ്സിൽ 166 റണ്ണിന് പുറത്തായി. ഒന്നാംദിവസം കളി നിർത്തുമ്പോൾ പാകിസ്ഥാൻ രണ്ട് വിക്കറ്റ് നഷ്ടത്തിൽ 145 റണ്ണെടുത്തു.
നാല് വിക്കറ്റെടുത്ത സ്പിന്നർ അബ്രർ അഹമ്മദും മൂന്ന് വിക്കറ്റ് നേടിയ നസീം ഷായുമാണ് ദ്വീപുകാരുടെ നടുവൊടിച്ചത്. 36 റണ്ണെടുക്കുന്നതിനിടെ നാല് വിക്കറ്റ് നഷ്ടപ്പെട്ട ലങ്കയെ 100 കടത്തിയത് ധനഞ്ജയ ഡിസിൽവയും (57) ദിനേഷ് ചണ്ഡിമലും (34) ചേർന്നാണ്. പാകിസ്ഥാനുവേണ്ടി ഓപ്പണർ അബ്ദുള്ള ഷഫീഷ് 74 റണ്ണുമായി ക്രീസിലുണ്ട്. ക്യാപ്റ്റൻ ബാബർ അസമാണ് (8) കൂട്ട്. ഷാൻ മസൂദും (51) ഇമാം ഉൾ ഹഖും (6) പുറത്തായി.
