കുവൈറ്റ് സിറ്റി> കേരള ആർട്ട് ലവേഴ്സ് അസോസിയേഷൻ, കല കുവൈറ്റ് അബ്ബാസിയ വെസ്റ്റ് യൂണിറ്റ് എക്സിക്യൂട്ടീവ് അംഗവും മുൻ കേന്ദ്രകമ്മിറ്റി അംഗവും, സാഹിത്യവിഭാഗം സെക്രട്ടറിയുമായിരുന്ന സലിം രാജിന് യാത്രയയപ്പ് നൽകി . അബ്ബാസിയ മേഖല പ്രസിഡന്റ് ഉണ്ണി മാമറുടെ അധ്യക്ഷതയിൽ കല സെന്ററിൽ നടന്ന ചടങ്ങിൽ കല കുവൈറ്റ് ജനറൽ സെക്രട്ടറി രജീഷ് സി കലയുടെ ഉപഹാരം കൈമാറി.
ആക്റ്റിങ്ങ് പ്രസിഡന്റ് സജി തോമസ് മാത്യു , ലോക കേരള സഭാംഗം ആർ നാഗനാഥൻ , കല കുവൈറ്റ് മുൻ ഭാരവാഹികൾ, കേന്ദ്രകമ്മിറ്റി , മേഖല കമ്മിറ്റി അംഗങ്ങൾ , കലയുടെ മുതിർന്ന പ്രവർത്തകർ എന്നിവർ ആശംസകളറിയിച്ചു സംസാരിച്ചു. അബ്ബാസിയ വെസ്റ്റ് യൂണിറ്റിന്റെ ഉപഹാരം ആക്റ്റിങ്ങ് കൺവീനർ ഗിരീഷ് കൈമാറി, അബ്ബാസിയ മേഖലാ സെക്രട്ടറി നവീൻ സ്വാഗതവും അബ്ബാസിയ മേഖല എക്സിക്യൂട്ടീവ് അംഗം തോമസ് നന്ദിയും പറഞ്ഞു. എക്സിക്യൂട്ടീവ് അംഗങ്ങൾ , യൂണിറ്റ് അംഗങ്ങൾ , കല കുവൈറ്റ് പ്രവർത്തകർ എന്നിവർ പങ്കെടുത്തു.
