ദുബായ്> 3ഡി പ്രിന്റിങ് സാങ്കേതികവിദ്യ ഉപയോഗിച്ച് സ്വകാര്യ വില്ല നിര്മിക്കുന്നതിന് ദുബൈ മുനിസിപ്പാലിറ്റി ലൈസന്സ് നല്കി. ആദ്യമായാണ് ഇത്തരത്തില് നവീന സാങ്കേതികവിദ്യ ഉപയോഗിച്ച് വീട് നിര്മിക്കാന് ലൈസന്സ് അനുവദിക്കുന്നത്. ദുബായിലെ അല് അവീര് ലാണ് വില്ല നിര്മിക്കുന്നത്.
2023 ഒക്ടോബറോടെ നിര്മാണം പൂര്ത്തിയാകുമെന്ന് കരുതുന്ന വില്ല ആഗോളതലത്തില്തന്നെ അസാധാരണമായ നിര്മിതികളില് ഒന്നാകുമെന്നാണ് വിലയിരുത്തപ്പെടുന്നത്. പൂര്ണമായും തദ്ദേശീയമായി നിര്മിച്ച കോണ്ക്രീറ്റാണിതിന് ഉപയോഗിക്കുന്നത് .3ഡി പ്രിന്റിങ് ഉപയോഗപ്പെടുത്തുന്ന കെട്ടിടങ്ങളുടെ എണ്ണം 2030ഓടെ 25 ശതമാനം വര്ധിപ്പിപ്പിക്കാനുള്ള പദ്ധതികളുടെ ഭാഗമായാണ് ലൈസന്സ് അനുവദിച്ചിട്ടുള്ളത്.
നിര്മാണ രംഗത്തെ കോണ്ട്രാക്ടര്മാര്, എന്ജിനീയര്മാര്, നിക്ഷേപകര്, റിയല് എസ്റ്റേറ്റ് ഡെവലപ്പര്മാര് എന്നിവര്ക്ക് പുത്തന് സാങ്കേതികവിദ്യ ഉപയോഗപ്പെടുത്താന് പ്രചോദനമേകുന്നതാണ് നടപടിയെന്ന് ദുബൈ മുനിസിപ്പാലിറ്റി ബില്ഡിങ് റെഗുലേഷന് ആന്ഡ് പെര്മിറ്റ്സ് ഏജന്സി സി.ഇ.ഒ മര്യം അല് മുഹൈരി പറഞ്ഞു. കുറഞ്ഞ നിര്മാണച്ചെലവ്, കുറഞ്ഞ നിര്മാണ സമയം, സങ്കീര്ണമായ രൂപത്തിലുള്ള കെട്ടിടങ്ങളുടെ എളുപ്പത്തിലുള്ള നിര്മാണം, പുനരുപയോഗികഗിക്കാവുന്ന ഉല്പന്നങ്ങളുടെ ഉപയോഗം, പരിസ്ഥിതി സംരക്ഷണത്തിന് പരിഗണന എന്നിവ 3ഡി പ്രിന്റിങ് ടെക്നോളജിയുടെ സവിശേഷതകളാണ്.
എമിറേറ്റിനെ 3ഡി പ്രിന്റിങ് സാങ്കേതിക വിദ്യയുടെ രാജ്യാന്തര കേന്ദ്രമാക്കാനുള്ള പദ്ധതി 2020ല് ദുബൈ കിരീടാവകാശിയും എക്സിക്യൂട്ടിവ് കൗണ്സില് ചെയര്മാനുമായ ഷെയ്ഖ് ഹംദാന് ബിന് മുഹമ്മദ് ബിന് റാഷിദ് ആല് മക്തൂം പ്രഖ്യാപിച്ചിരുന്നു
.
സാങ്കേതിക വിദ്യയുടെ വികസനം, പരീക്ഷണം, വിവിധ ഉല്പന്നങ്ങളുടെ നിര്മാണം തുടങ്ങിയവക്കുവേണ്ടി പ്രത്യേക ഡിസ്ട്രികരൂപവത്കരിക്കുമെന്നും അറിയിച്ചിട്ടുണ്ട്. 3ഡി പ്രിന്റിങ്ങല് ദുബൈ ഇതിനകം ബഹുദൂരം മുന്നേറിക്കഴിഞ്ഞിട്ടുണ്ട്.
കമ്പ്യൂട്ടര് സഹായത്തില് ഡിസൈന് സോഫ്റ്റ് വെയര് ഉപയോഗിച്ച് ത്രിമാനരൂപം ഡിസൈന് ചെയ്തശേഷം തെര്മോ പ്ലാസ്റ്റിക് ലുള്ള ഉരുക്കിയ നിര്മാണവസ്തു ഉപയോഗിച്ച് പാളികളായി മാറി ത്രിമാനരൂപം ഉണ്ടാകുകയും ചെയ്യുന്നതാണ് രീതി
