ടോക്യോ
ജപ്പാന്റെ ബഹിരാകാശ ഏജൻസി തയ്യാറാക്കിയ റോക്കറ്റ് പരീക്ഷണത്തിനിടെ പൊട്ടിത്തെറിച്ചു. ജപ്പാൻ എയ്റോസ്പേസ് എക്സ്പ്ലൊറേഷൻ ഏജൻസി (ജക്സ)യുടെ അകിത പെർഫെക്ചർ എന്ന പരീക്ഷണകേന്ദ്രത്തിൽ വെള്ളിയാഴ്ചയായിരുന്നു അപകടം.
പരീക്ഷണം സാധാരണഗതിയിൽ തുടങ്ങിയെങ്കിലും നിമിഷങ്ങൾക്കകം വൻ സ്ഫോടനവും തീപിടിത്തവും ഉണ്ടായി. കെട്ടിടത്തിന്റെ മേൽക്കൂര സ്ഫോടനത്തിൽ തെറിച്ചുപോകുന്ന ദൃശ്യങ്ങൾ മാധ്യമങ്ങൾ പുറത്തുവിട്ടു. ഈവർഷം ജക്സയുടെ മറ്റ് രണ്ട് റോക്കറ്റ് പരീക്ഷണങ്ങളും പരാജയപ്പെട്ടു.
