ബീജിങ്ൽ> ചൈനയിലെ കിൻഡർഗാർട്ടനിൽ കത്തികൊണ്ടുള്ള ആക്രമണത്തിൽ മൂന്നു കുട്ടികളുൾപ്പെടെ ആറുപേർ കൊല്ലപ്പെട്ടു. ഒരാൾക്ക് പരിക്കേറ്റു. ഗുവാങ്ഡോങ് പ്രവിശ്യയിലെ ലിയാൻജിയാങ്ങിൽ രാവിലെ 7.40നാണ് ആക്രമണം നടന്നത്. കൊല്ലപ്പെട്ടവരിൽ ഒരാൾ സ്ഥാപനത്തിലെ അധ്യാപകനും മറ്റു രണ്ടുപേർ കുട്ടികളുടെ രക്ഷിതാക്കളുമാണെന്നാണ് വിവരം.
അക്രമസംഭവത്തിൽ ഒരാളെ അറസ്റ്റു ചെയ്തതായി പൊലീസ് പറഞ്ഞു. കൊല്ലപ്പെട്ടവരിൽ ഒരാളുടെ വാഹനം അടുത്തിടെ അക്രമിയുടെ കുട്ടിയെ ഇടിച്ചിരുന്നതായി സംഭവത്തിന്റെ ദൃക്സാക്ഷി പറഞ്ഞു.
