ലീഡ്സ്
പ്രധാന പേസർ ജയിംസ് ആൻഡേഴ്സണെ ഒഴിവാക്കി ഇംഗ്ലണ്ട് ആഷസ് ക്രിക്കറ്റിലെ മൂന്നാംടെസ്റ്റിന്. ഓസ്ട്രേലിയയുമായി ഹെഡിങ്ലിയിൽ ഇന്നാണ് നിർണായകപോരാട്ടം. അഞ്ചുമത്സര പരമ്പരയിൽ ആദ്യരണ്ടും നേടി ഓസീസ് മുന്നിലാണ്. ജയം ആവർത്തിച്ചാൽ പരമ്പര ഉറപ്പിക്കാം. ഇംഗ്ലണ്ടിനാകട്ടെ സമനിലപോലും തിരിച്ചടിയാകും. പകൽ മൂന്നരയ്ക്കാണ് മത്സരം.
ആദ്യ രണ്ട് ടെസ്റ്റിലും മങ്ങിയതോടെയാണ് ആൻഡേഴ്സണിന്റെ സ്ഥാനം തെറിച്ചത്. ആകെ മൂന്ന് വിക്കറ്റാണ് സമ്പാദ്യം. പേസർമാരുടെ പറുദീസയായ ലോർഡ്സിലും നാൽപ്പത്തിരണ്ടുകാരന് മികവുകാട്ടാനായില്ല. സ്വതസിദ്ധമായ സ്വിങ് ബൗളിങ് പ്രകടനം നടത്താനാകാതെ നിരാശപ്പെടുത്തി. ക്രിസ് വോക്സാണ് പകരക്കാരൻ. ജോഷ് ടങ്ങും പരിക്കേറ്റ ഒല്ലി പോപ്പും ഇംഗ്ലീഷ് ടീമിലില്ല. മൊയീൻ അലിയും മാർക് വുഡും പകരം ഇടംപിടിച്ചു.
പരിക്കേറ്റ് പരമ്പരയിൽനിന്ന് പുറത്തായ സ്പിന്നർ നതാൻ ല്യോണിനുപകരം ടോഡ് മർഫി ഓസീസ് ടീമിൽ കളിച്ചേക്കും.
