കുവൈറ്റ് സിറ്റി > കുവൈറ്റിലെ പ്രമുഖ റീട്ടെയിൽ ശൃംഖലയായ ഗ്രാൻഡ് ഹൈപ്പർമാർക്കറ്റ് കുവൈറ്റിലെ ഫർവാനിയ ബ്ലോക്ക് 1 ലുള്ള ഗ്രാൻഡ് ഹൈപ്പർ ഉദ്ഘാടനം ചെയ്തു. ബ്ലോക്ക് 1 ഇൽ 122 നമ്പർ സ്ട്രീറ്റിലാണ് പുതിയ ഷോപ്പ്. ജാസിം മുഹമ്മദ് ഖമീസ് അൽ ശറഹ്, മാനേജിങ് ഡയറക്ടെർ ഡോ അൻവർ അമീൻ ചേലാട്ട് ഗ്രാൻഡ് ഹൈപ്പർ റീജിയണൽ ഡയറക്ടർ അയൂബ് കച്ചേരി എന്നിവർ ചേർന്നാണ് പുതിയ ഔട്ട് ലെറ്റ് തുറന്നു കൊടുത്തത്.
സിഇഒ മുഹമ്മദ് സുനീർ , ഡി.ആർ. ഓ. ശ്രീ. തഹ്സീർ അലി, മുഹമ്മദ് അസ്ലം ചേലാട്ട് മറ്റ് വിശിഷ്ടാതിഥികളും മാനേജ്മെന്റ് പ്രതിനിധികളും പങ്കെടുത്തു.ഗ്രാൻഡ് ഹൈപ്പർമാർക്കറ്റിന്റെ ലോകമെമ്പാടുമുള്ള പഴവർഗ്ഗങ്ങൾ , പച്ചക്കറികൾ, മാംസം, സീഫുഡ് എന്നിവ പുതിയ ഔട്ട്ലെറ്റിൽ ലഭ്യമാണ്.
ഇൻ-ഹൗസ് ബേക്കറിയും ചൂടുള്ള ഭക്ഷണ ഉൽപ്പന്നങ്ങളും സ്റ്റോറിന്റെ സവിശേഷതയാണ്. പലചരക്ക് സാധനങ്ങൾ, വീട്ടുപകരണങ്ങൾ, ഇലക്ട്രോണിക്സ്, മൊബൈൽ ഫോണുകൾ, വസ്ത്രങ്ങൾ, പാദരക്ഷകൾ തുടങ്ങി വൈവിധ്യമാർന്ന ഉൽപ്പന്നങ്ങൾ ഈ സ്റ്റോറിൽ ലഭ്യമാണ്
