കകാമിഗഹര
ഏഷ്യൻ ജൂനിയർ വനിതാ ഹോക്കിയിൽ ഇന്ത്യയ്ക്ക് ആദ്യമായി കിരീടം. നാലുതവണ ചാമ്പ്യന്മാരായ ദക്ഷിണകൊറിയയെ ഫൈനലിൽ 2–-1ന് കീഴടക്കി.
അന്നുവും നീലവും ഇന്ത്യക്കായി ഗോളടിച്ചു. പാർക് സിയോൺ കൊറിയയുടെ ആശ്വാസഗോൾ കണ്ടെത്തി. ഇരുടീമുകളും ഗ്രൂപ്പുഘട്ടത്തിൽ ഏറ്റുമുട്ടിയപ്പോൾ 2–-2 സമനിലയായിരുന്നു. ഒറ്റക്കളിയും തോൽക്കാതെയാണ് ഇന്ത്യൻ വിജയം. കളിക്കാർക്ക് രണ്ട് ലക്ഷം രൂപവീതം ഹോക്കി ഇന്ത്യ പ്രഖ്യാപിച്ചു. ജൂനിയർ ലോകകപ്പിന് ഇന്ത്യ യോഗ്യത നേടി. പുരുഷ ജൂനിയർ ടീമും ഏഷ്യാകപ്പ് നേടിയിരുന്നു.
