ന്യൂഡല്ഹി> സെക്ടര് 62-ല് പിക്കപ്പ് വാന് ബൈക്കിലിടിച്ചുണ്ടായ അപകടത്തില് ന്യൂസ് ചാനലിലെ ജീവനക്കാരായ രണ്ട് യുവാക്കള് മരിച്ചു.ഗാസിയാബാദ് സ്വദേശികളായ ഇരുവരും ഇന്ന് രാവിലെ നോയിഡയിലേക്ക് ബൈക്കില് സഞ്ചരിക്കുന്നതിനിടെയാണ് അപകടത്തില്പ്പെട്ടത്.പ്രാദേശിക ഹിന്ദി ചാനലിലെ ജീവനക്കാരായ മനോജ് കുമാര്(45), ഗൗരവ്(38) എന്നിവരാണ് മരിച്ചത്.
സെക്ടര് 62-ലെ മേല്പ്പാലത്തിന് സമീപത്ത് വച്ച് ഇവരുടെ ബൈക്കിലേക്ക് വാന് ഇടിച്ചുകയറുകയായിരുന്നു. ഇരുവരെയും സമീപത്തുള്ള സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
അപകടശേഷം വാന് ഡ്രൈവര് ഓടിരക്ഷപ്പെട്ടതായും ഇയാളെ ഉടന് പിടികൂടുമെന്നും പോലീസ് അറിയിച്ചു.
